前言：呢個係一個非常hea嘅trip，速去速回，參考價值不高！對於第一次去深圳一日遊嘅朋友，可以參考返呢個有muji hotel/深業上城/萬象天地嘅link（不過當時高鐵未開通）。
（一）點搭高鐵去深圳福田站🚄
香港西九龍高鐵站可以由港鐵九龍站經Elements圓方商場或由港鐵柯士甸站行過去。
預先到MTR地鐵網站實名網上購票，之後就到站內呢d 機 (下圖）領取預定票。
一張二等票 second class就77蚊一程，比起巴士50蚊唔算貴好多，但就方便好多！
請準備好信用卡和回鄉證去領取車票
（如果係來回票，呢部機會兩張票同時彈出，記得兩張飛都袋好呀！）。
呢個一地兩檢“內地口岸區” “香港口岸區” 黃色線完全變咗係必影嘅打卡位。
一線之隔就分開兩個地區了～
基本上所有人經過都有影相。不過之後先知係不准拍照，oops sorry XD
過完關後，請睇返車票右上角嘅檢票口gate number上車。
列車開出時間前嘅15分鐘前就就會開始登車。
不過過關需時，而且高鐵站都幾大（有一刻覺得自己係機場！）
所以我覺得最好就早45分鐘-1小時前到達車站比較好。
高鐵上可以自帶飲食，所以如果肚餓可以帶定d水呀早餐呀先上車。
車廂都好新淨，坐得幾舒服！
坐一陣間就到福田站啦！坐高鐵去深圳福田站要幾耐？14分鐘左右就得啦！
一到咗深圳首先係全家FamilyMart嚟一舊土耳其烤肉大雞扒😅
然後就去咗短時間內爆紅、挑戰starucks嘅咖啡店 luckin coffee（瑞幸咖啡）。只要係wechat關注佢地嘅公眾號就可以首杯免費！（不過你需要一個內地手機號碼去做用戶登記。
然後基本上成日都係萬象天地度hea。午餐先係俏九州食香港少有嘅湘西菜！埋單時記得用大眾點評check下有冇優惠券呀！
之後就行咗去萬象天地嘅喜茶分店喜茶PINK。分店位於室外，如果唔想日曬雨淋咁排隊，建議可以預先係微信網上下單，直接到counter攞嘢飲。
作為環保小先鋒，仲可以去洗手間洗好隻喜茶杯 ，拎返香港office當杯用！
之後都仲係萬象天地，剛剛新鮮滾熱辣係2018年12月15日先盛大開業、佔地3.3平方米、house咗137個品牌嘅「誠品生活」！6層樓高，裡面有40萬本書俾你慢慢打書釘！
裡面有好多小店，唔可以錯過嘅當然係天仁茗茶（雖然已經飲咗喜茶哈哈）同文具館！
打道回府之前，可以去福田高鐵站旁邊嘅星河COCO PARK。推介可以去負一層嘅騰訊新零售超市超級物種。
上車前食個快嘅豐盛晚餐 – 我地就食咗新鮮即叫即煮嘅芝士焗龍蝦麵🦞 and 煮到剛剛5成熟嘅澳洲肉眼牛扒。正到！！！
吃完就行去高鐵站上車luu。
返到香港，都可以去由高鐵站到elements嘅橋影下我地漂亮嘅維港同尖東夜景🌃
係萬象天地 其實都有好多網紅牆，可以扮KOL打卡自拍！
impromptuz 