新居earplug

新居入伙,卻無奈遇上非常常見的「隔壁噪音」問題。

物業管理問題,mall妹累積6年經驗應為半個「行家」。但當自己終於親身遇上,以為經驗終可大派用場之時,卻有點手足無措。

據我估計,鄰舍為3位合租的南亞年輕男士,經常興高采烈熱烈討論,每晚清晨1、2點定必準時「開咪」webcam,在我耳邊開始長達1小時與媽媽的熱烈對話,我稱之為「印度緊箍咒」。(這點我也許racist了,南亞語言給我的印象就是大大聲和情緒高漲,也許內容根本是討論高尚的哲學文化藝術。)

我只是一個獨居小女子,我也不會、也不敢做出任何hostile的投訴,以免招致報復性甚至是變本加厲的行為。(例如每小時就bang幾下你聽,睇下你點算)。

最近床邊已裝備了3M和honeywell的耳塞。話說最近我也剛巧買了一個「皇家級」(即英國小王子)的隔音earmuff給小姪女,搞不好我自己也要買一個了。

注:根據本人經驗,其實無論最終投訴不投訴也好,最重要是搜證!- 搜集有日期時間證明的證據!通常最廢的情況就是:叫了管理處上來,hea下hea下的保安到了現場就說:「小姐,冇聲喎,咁我地好難做喎」,然後又hea下hea下地離去。

Advertisements

如果明知有較高風險(well-informed known risks)還頑固去生小孩,這樣就是自私的行為。因為你的個人決定,地球有可能會多了一個不健全不健康的人類,這個人類卻因為你的決定無辜降臨世上,病痛伴隨他一生。更可憐的是,整個家族樹也因此多了一個陰影負累。你願意成為這個罪人嗎?賭博的籌碼不是錢,而是生命呢。這樣,你覺得我還會有進不進賭場試試的猶疑嗎?別傻了。別說什麼醫學昌明,percentage從來只是statistical reference。如果命運選中了你,100%就會發生在你的身上!哪會有什麼5%-8%的機會呢?請留意返,低智商心漏病等,懷孕期間也不能照出來的。

海韻軒好唔好住?

livingroom

紅磡海韻軒我自己覺得性價比都幾高,不過始終都係長實出品,所以都係有好多令人無奈嘅要點。

地理位置
地點位於香港中心嘅紅磡,10分鐘就行到紅磡火車站(雖然唔係全程有瓦遮頭)。而且就係黃埔隔離,購物方便,而且超級多餐廳選擇,對於“無飯夫妻”嚟講係perfect。

免費穿梭巴士
住客有免費shuttle bus去紅磡同埋尖沙嘴半島酒店,朝7晚10。但只係有card嘅人先可以上車。而且幾千人都你爭,特別上班時間就最好早d到啦。(突然興幸自己返工返8點半,比average來講早)


面積和間隔嚟講係香港算係非常generous同make sense嘅。而且一搬入嚟真係最基本嘅furniture都已經配備。而一般維修都係免費。free wifi,free水費。電費就自己支付啦。但有3大禁品:寵物,樂器,單車。不過呢度d隔音真係非常差,紙咁薄。

太多人
太多人住,所以等lift,等shuttle排隊等都係不可以避免嘅事。幸好我自己冇打算用嘅會所,相信都會係人山人海。而且住嘅人都係咩人都有,五湖四海

回收箱呢?!長實又點會有呢d配備呀。。
果然係長實,2018年都係完全係零嘅回收分類箱。所以我唯有將所有嘢都分類好,一一拎返先回收分類。

房間設計配備可以更好。
可能我做過住宅sales啦,所以覺得有d房間設計可以更好。例如一入屋後第一個燈制竟然係好遠嘅地方(通常應該係arm distance就有架嘛)。其中一個電插又好醒,居然剛剛設計到一個macbook嘅插頭都插唔入。插頭嘅位置都係搞笑。廁所冇位置放抹手巾等等。

不過overall嚟講,我覺得都係一個好地方嚟嘅。
冇地方係完美嘅。租金嚟講我覺得非常reasonable啦。

關鍵字:海韻軒 海灣軒 服務式住宅 租樓 租房 紅磡 服務式公寓 租金 租盤 出租

 

 

 

 

I am happy today because

  1. 之前買咗飛睇小提琴演奏會,小提琴家手部不適,表演需要臨時取消,大會隨即安排退回支票。支票前幾天一直入唔到機,今天屢番嘗試後終於入到機。慶幸自己重獲$280的現金。
  2. 當全世界在地鐵喊救命,今天我完全不受地鐵延誤的影響。理應感恩!
  3. 今天帶著依依不捨的心情,終於看完了Do No Harm,之後我連汁到撈埋,將作者的documentary “The British Surgeon” 也看完。
  4. 突然覺得自己很幸運。香港醫療系統是很advanced的(這也是我一直無法接受長居內地的原因)。
  5. 我的租約應該也有tax benefit,幸好也問了一問。

昨晚今天有點dark feeling籠罩,但其實也不乏幸運快樂事的。

斯德哥爾摩

又來斯德哥爾摩後群症。

長達兩個月的budget終於告一段落,今天終於恢復「自由身」,可以100%投入我本來的工作。

就好似好耐冇揸過嘅靚車,今日終於可以踩行油上返高速公路啦喂!亦好似俾人困咗係黑房好耐,今日終於踏出青草地呼吸新鮮嘅空氣一樣、重見光明了!

但係今日可能有d唔習慣,難免有d橫衝直撞過頭,sorry~