Author: impromptuz

剛剛睇到Panasonic Cooking Hong Kong嘅電視廣告，其中一句 「女人煮得一手好餸，先可以留住男人嘅心🙂」 思想會唔會落伍咗d？2019年了！不是咸豐年代。

點解唔係「男人煮得一手好餸，可以留住女人嘅心」？點解唔係「伴侶煮得一手好餸，可以留住對方嘅心」？

一定女人先要by default煮飯留家做家務？女人嘅形象就一定要攬住條圍裙？男人就唔需要煮飯？只可以男人係出面賺錢，女人就係家居嘅服務提供者嚟「換取」男人嘅愛？就憑一句廣告對白就已經盡顯gender stereotype。

退一步諗，點解女人必須要留住男人嘅心？是否不煮飯，我的男人的心就會飛走，變心出軌？係咪冇咗個男人就唔得？為何女人就需要有這種無形的危機感？

男人就唔需要留著女人嘅心？

香港有幾多working mum?香港又有幾多stay-at-home dad?

「男主外、女主內」「男尊女卑」會唔會out咗d？？😟😟

入廚樂就係單純嘅入廚樂，男同女都可以享受呢個樂趣，一個男人或者女人入廚與否完全屬於個人決定！而唔係為咗「侍奉」男人或防治男人背叛自己！再者，男或女都好，其實要靠煮飯嚟挽留對方嘅愛/維持關係，係咪太可悲太作賤自己？（注意：佢嘅句式係「要A，先可以B」，姐係你做唔到A，就咪使旨意做到B了）

男跟女是對等的關係，逢係女人都有義務提供服務比男人嘅思想（否則你就會有風險失去對方嘅愛）是何等落伍！呢個思想好有問題！

試問香港有多少working mum都無時間煮飯的！！試問幾多香港屋企都係由男人一手包辦嚟煮飯，而對女人嚟講絕對唔係「羞家」嘅事，而係「幸福」嘅證明！

試想想，如果一個小學二三年級的小女生看了這個電視廣告，這灌輸了多麼差的價值觀/觀念？從小就覺得女人必須「侍奉」男人才能得到男人的關注和愛。更何況，為什麼女人一定要付出去留著男人的心？而不是獨立自強靠自己？又或者，而不是男人付出來留住女人的心？為什麼關係有「高低」之分？有傳統嘅「主僕」「主次」關係？why the inferiority? 如果係，我全間女校嘅同學仔原來一出世就係「次等」，無論多優秀，都要在男人之下。2019年！咩年代！

失敗！落伍！ridiculous！sexist! stop the gender stereotype!😡 bye Panasonic!

原廣告連結：http://bit.ly/2Ez4nhi

#Panasonic #PanasonicHK #蒸烤燉樣樣掂 #蒸氣焗爐 #NUSC300B

昨晚臨睡前以剃刀修修眉，扮扮靚。誰知失手刮傷了印堂（兩眼中間），立刻見血（突然想起蘇民峰說蛇年今年易見足股面齒之傷，面！中！）

雖說傷口甚淺，但以免血滴枕頭，乾淨起見，還是在額頭正中間貼上一張「違和感」極強的肉色藥水膠布🏼。由於膠布是standard size，就算勉勉強強剪小了，看起來還是挺趣怪。有點像在額頭貼上一道打直長方形的符，大吉利是。爸爸說我是三眼二郎神，這稱號也夠搞笑了。

早上起床上班我就當然沒有貼膠布。誰知臨下班前與同事討論公事期間，同事突叫：「喂！你流血呀！」拿起桌上小鏡，哎呀又流血。可能討論得眉飛色舞吧？唯有死死氣在手袋拿出藥水膠布（其實已經早有準備放了在手袋）低頭做勞作一般，努力剪呀剪呀，再貼回前額上。

就這樣，我就一直以這個三眼仔狀態乘地鐵回家了。完。

（我覺得我嘅「咩都blog一餐」嘅能力已經到達極致嘅水平！）

話說我司終於推出「Casual Friday」，可以說是一小突破。當我初進公司的時候，dress code policy還是挺嚴謹的。男的一定要打呔，女的 – 裙的長度鞋的款式也有一一說明。所以所有同事對於這新安排覺得又新奇又開心。

我自己很喜歡casual friday，雖然公司氣氛informal了，但似乎反而整個team的工作效率都有所提升！大家都表現得更energetic。穿著球鞋牛仔褲，似乎人都「輕」點，沒有週一到週四的沈重，可以快樂迎接週末。

至於著咩衫，我覺得都唔可以太casual，都係要保持一定嘅專業性（professionalism）同埋整齊儀表嘅。hoodies呀，踢拖，beachwear呀，yoga運動睡衣hea款，就唔好啦。同埋見客就都係著返正經啦～

今天一連見了三個客。

第一個在中環，第二個在尖沙咀，第三個又在中環，最後又返尖沙咀回家。連續搭了三次渡海小輪，一向會暈車浪暈船浪的我，霎時變得混混沌沌。

最終一站回到尖沙咀碼頭，見到有塔羅牌街檔，我就坐在小凳上問了幾條問題。

記得以前中學時也有玩塔羅牌，也是指點迷津的好方法。所以今晚就立刻在淘寶了一副新的塔羅牌了哈哈。不是迷信 (大概會變了self fulfilling prophecy)，但也是反思自己的好機會。

塔羅牌哥哥，其實你也可以放幾副塔羅牌在小販檔賣，一定有額外的生意呢。除了service，retail 也很重要喔！