直擊馬鞍山商場We Go Mall

由百利保范統打造嘅We Go Mall，網上都有唔同嘅報導。所以mall妹都放工去望一望，但去到就真係得啖笑。

1. We Go Mall 點去？可以由馬鐵恆安站或大水坑站行路去，大概10分鐘路程。位置唔就腳。但路上係零個指示牌，所以必須要開住google map行。另外佢哋都有d shuttle bus，可以去官網睇睇時間表。

商場仲係太新，有少許裝修味。人流一般，不過可能我係weekday夜晚去啦。

2. We Go Mall 一個大特點話係有一個佔地1000呎嘅溜冰場，可以比10個人玩（講到好似好大，唔該，1000呎係好細架咋，姐係大概4-5個停車位左右嘅面積）。拿，就係咁啦。

雖然依家商場係要多d experience嘅元素，但咁樣樣嘅溜冰場。值得嗎？有少少雷聲大雨點小。

3. 出租率話有7成。但現場都係睇hoarding居多。比較意外嘅係原來都有幾多層，樓上有一間TaSTe 超市場已經開業。 頂層都有百利保嘅賣樓展銷區域。

（不知名嘅）食肆有幾間開咗門。不過剛剛新開嘅餐廳，我就唔試住啦。等run順d 先啦。

4. 每一層都有好多大空位，都用嚟做小朋友遊樂區域。不過感覺都係好「臨時」，唔係特別吸引。好似仲需要同佢地換代幣。