Tag: 婚禮籌備

【2019婚禮mc推介】揀婚禮司儀有咩需要留意？

好多時候香港新人掛住book MUA化妝師、photog攝影團隊、證婚律師呢樣個樣等等，而唔記得咗一個婚禮/婚宴必須有嘅重要人物 – 就係婚禮司儀mc！

或許你間婚宴專門店/酒樓集團會「附送」mc主持，但根據自己個人經驗，呢d「附送mc」最後都係出事多 =_= 因為呢d 行貨「附送mc」根本唔認識對新人，全部婚禮都係一式一樣機械式讀稿，又唔夠sharp又冇靈魂，好好地一個順利嘅婚禮都搞odd咗！

我又見過一d所謂mc團隊訓練出嚟個d「行貨mc」雖然幾靚女，條裙又好短，但就完全搶咗新娘子嘅風頭  XDD

WhatsApp Image 2019-01-01 at 8.50.41 PM(1)

所以你需要留意嘅係：
1）如果冇budget，你有冇親朋戚友可以做到mc？
2）如果有budget，去其他婚禮時可以留意下有冇好嘅mc，可以留返嘅contact。
3）你婚禮上有冇外籍人士？如果係，mc稿上有可能需要有中英文。如果鬼佬數量不多，可以叫mc加句 「麻煩旁邊朋友幫忙翻譯」都ok。
4） 如果找專業mc，呢位mc必須有足夠主持婚禮經驗！確保識得搞氣氛，懂得一般婚禮rundown，性格cheerful懂得取悅四大長老。可以叫佢share下d相/video睇睇。如果有其他活動經驗更好，會更sharp。
5）佢把聲好唔好聽？
6）專業mc應該有能力比到comments比節目嘅rundown。
7）呢位mc一定要有心認識兩位新人嘅故事/性格。
8）呢位mc會唔會靚仔過你老公？靚女過你老婆？ hahaha 以免搶fo。

聽過唔同朋友嘅意見/自己去婚禮時留意到，
我自己嘅婚禮mc最後就選擇咗細bon (https://www.facebook.com/Siubonsb/)。如果有玩開馬拉松/體育活動嘅朋友仔都一定有見過佢做mc啦。

當日現場一共360人都好搞到氣氛，又搞笑，最緊要識得隨機應變（因為中間rundown突然有變 ._.) W hotel個場地就算係奇怪嘅L型，佢都照顧到兩邊嘅賓客。由於現場唔識講廣東話嘅人都幾多，最後我找咗一位英國朋友負責英文部分，細bon都同佢夾得好好。推介～ (真心推介呀下，我冇收廣告費 XDD )

WhatsApp Image 2019-01-01 at 8.50.41 PM

________________

香港結婚婚禮籌備有關連結:

 

【堅實用】 香港結婚婚宴big day 前一日倒數終極tips！

香港結婚婚禮籌備有關連結:

————————

Screen Shot 2018-12-06 at 8.17.20 PM

最後直路！

  1. 伴娘隨身帶定膠布（萬一新娘對鞋刮）[甚至係衛生用品…]
  2. 伴娘隨身帶定飲管，以免新娘飲水嘅時候唇膏甩色！
  3. 伴娘伴郎隨身帶定原子筆。請伴娘伴郎都帶支筆喺身。有啲人係會鍾意親自送禮比主人家。到時伴郎伴娘即刻可以mark低名喺利市封或禮物袋上。
  4. Reception嘅簽到紙唔使多印，最好男家mark一份，女家mark一份。唔使對咁多份，你以為佢mark咗，佢又以為你mark咗，會更混亂。
  5. 預一張無名嘅簽到紙，到時可以即場寫。到時唔知會唔會有客人係來影張相擺低禮，但唔食野嘅。
  6. 提醒所有工作人員要帶external charger充電器，成日流流長會不停影相，而且大家都要保持聯絡，所以電話一定要夠電！
  7. 如果有外國來賓，不妨問問酒店現場有冇提供wifi，貼心一d提供返比d overseas嘅朋友。
  8. march-in嘅時候有冇spotlight，呢個都記得要clarify清楚呀。
  9. 係節目開始之前mc一定要同現場夾定所有播歌嘅que line。例如 “我地今日晚宴正式開始！” 酒店嘅technician就立刻播“乳豬歌”。
  10. 準備定足夠嘅銀兩（cheque/cash/信用卡/散銀/散紙）去支付各種嘅尾數同crew嘅的士錢。
  11. 如果係早幾日試妝嘅，記得唔好咁快落妝。等面部皮膚適應一下幾個鐘後，睇下皮膚是否可以接受。
  12. 請各位工作人員都將working document save 低, bookmark喺電話。據我個人工作經驗，print咗啲野可能做做吓唔見咗。

有意義！香港慈善性質的婚禮婚宴回禮小禮物

香港結婚婚禮籌備有關連結:

————————

（注：某些讀者也會是我婚宴的賓客哈哈。不好意思完全沒有神秘感了）

相信唔少人去婚禮嘅時候都收過各式各樣嘅回禮小禮物，最近我收過蜜糖啦，六合彩啦，茶葉等。最怕收到就係印有新郎新娘名字嘅擺設或公仔鑰匙扣，玩咩？想我擺係邊？（汗）

最近香港都流行一d比較有意義嘅回禮小禮物，就係charity慈善機構推出嘅禮物仔。例如orbis奧比斯啦，樂施會啦，愛護動物協會等等，好多都開始陸續都有。

但無奈係以上好多都係心意卡仔一張，講真呢d心意卡嘅命運都係回收桶多。如果要又有意義又值得拎返屋企，我自己就選擇咗公平點 Fair Circle！

公平點係推動公平貿易嘅社企，我自己就選擇咗只需要 HK$8.5 一set 嘅organic 套裝，有earl grey茶葉啦，mint sweets 同 belgium chocolate。包裝都係紙包裝，可以回收（本來係膠包裝，最近社企主動打電話來話可以改做紙，絕對支持！）。其實大會司儀都可以簡單介紹下回禮小禮物背後嘅意義，更加可以提醒現場賓客回收紙包裝。又潮又有意義架！

仲包送貨添呀！（不過可能我訂得多數量哈哈）

一set 有三樣嘢。

送上紅色波波紙，可以係家裏開工場瘋狂包裝。

包完就係咁啦，仲有一張info卡送比大家了解一下！

l

經過家裏製造瘋狂包裝後：

WhatsApp Image 2018-10-29 at 12.51.03 PM

______

2019年10月更新：

今日去婚禮嘅時候見到一個新玩法，叫 Charitable Choice 擇善坊 (http://charitablechoice.org.hk).

3

可以用gift card嘅形式做回禮小禮物。放係每一位來賓嘅位，來賓就可以立刻登入QR code輸入redemption code去選擇自己想捐嘅多間慈善機構。大家可以explore下！

2018 香港婚禮結婚籌備步驟流程懶人包 checklist (1年前）

香港結婚婚禮籌備有關連結:

————————

前言

我係一個極度怕麻煩嘅人。

網上ESD生活易係有好general嘅籌辦婚禮checklist/時間表，坊間又有好多wedding expo 婚展/結婚節/婚紗展，而身邊結咗婚嘅朋友都會一個二個彈出嚟話自己嘅選擇係全宇宙最好（人之常情，一定會defend自己嘅選擇係最明智😅），好多好多resources眼花撩亂！但到實戰嘅時候其實幫助不大。

本人一年後就需要籌辦婚禮，所以係呢度同大家分享一下我嘅最初步最初步小經驗 tips。（當然，冇一個版本係絕對嘅bible，大家依照自己嘅進度和style就可以了！）

（注：我絕對冇去任何婚宴展。因為已經夠多訊息。你可以話我蠢，但我真係好怕煩）


【自由鳥Birdie Mobile 推薦碼】 :FDWJY
用呢個優惠碼就有額外多4GB啦👏👏
https://www.birdie.com.hk/birdie/88964/jsp/share.jsp?go=subscribe&ref=FDWJY&lang=zh

第零步：開一個shared嘅excel，可以兩人共同edit。

婚禮係兩人分工合作嘅事，千萬唔好嚴重傾斜去其中一方。兩個人都需要返工，所以兩人都需要共同手牽手幫手！先開一個shared嘅excel (google drive)，紀錄低所有用過嘅支出，聯繫電話，注意事項等等。另外，未免不必要嘅誤會，雙方都必須做好“探口風”嘅角色，因為結婚並非二人嘅事，而係兩個家庭嘅事。

第一步：有了目標Big Day日子，雙方就可以向目標全速前進！

pic1

日期：好多拍拖好多年嘅人（包括我自己）一直都拖呀拖呀，因為冇一個target Big Day (即結婚當日）date，所以冇辦法有motivation企起身，認認真真去開始行動。

所以第一步，係雙方有一個目標日期 。婚宴形式（中西午晚），scale（大概估計幾多圍，是否聯婚，朋友家人是否分開搞等。）都要雙方以及四大長老認同（雙方家長）。日期，冬天比較受歡迎（冇咁熱/少d颱風大暴雨，但酒席價錢也比較貴），當然還要擇日（看時辰八字）等等。

第二步：訂酒席，選擇合心水的婚宴場地！

pic2

婚宴場地預定酒席：

可先定婚宴的positioning。自己預算？酒樓/酒店？方便雙方家庭的地區？scale是否適合？其他可以研究以下包括：
– min charge幾多 vs 預算
– 菜單每圍幾多錢
– 菜單菜色是否適合（可能有d家長必須要東星斑裙翅哈哈）
– 有冇送免費酒店房？記住影相。
– 有沒有corkage fee （有家長可能想自帶酒水）
– 有沒有包括AV system？有沒有extra charge
– 睇新娘房有冇夾萬，有冇獨立洗手間，有冇多一個changing room。記住影相。
– setup 上有咩限制？
– 幾點可以開始setup？幾點交場？
– wedding package仲包括d咩？（例如有d酒店會送真假蛋糕，回禮小禮物，花車/小巴，花球，reception snacks，佈置，印帖）請記得拿reference photos作參考睇下合唔和心水。

同埋係confirm/clarify了所有要求後，先好落訂金！因為secure咗訂金之後，個sales就冇咁熱情招呼你架啦 orz
第三步：搞Pre-Wedding Photos (婚紗相）

pic3

Pre-wedding photos 可以係香港影或海外（韓國，台灣，日本等地比較受歡迎！），甚至身邊有朋友係識影相都ok架。而時間表上呢個冇咩所謂，早d影就唔會阻到你之後d preparation。

好多時候婚紗展都會有discount。我自己個人就選擇咗影d casual pre-wedding style （可能我唔係d追求一定要著婚紗裙做一次靚靚公主嘅女仔啦，而且總覺得一個著禮服一個著婚紗，都好唔自然，都唔會想回首重溫 XD）,同埋選擇係一d比較有意義，有共同回憶嘅地點拍攝。

第四步：先安排Big Day當日涉及“人”的事項~

pic4

所有需要book人嘅事項。都盡早book定！
請留意有冇extra charge for overtime （例如早上8點前可能要另外收費）。
– 證婚律師
（似乎大概4000-5000港幣左右，可以先討論大家想要咩style。詼諧？正經？平？）
– 婚禮司儀mc
去過朋友婚禮，覺得細bon超pro超識搞氣氛，把聲好聽！高度推介！！
– MUA Make-Up Artist
（呢個發現好海鮮價！請問清楚charge嘅方法。可以先試妝/睇睇佢地嘅fb page再作決定。可以考慮big day同pre-wedding為同一MUA，咁打包可能可以平dd）
– 當日攝影攝錄crew
（問清楚早拍晚播有冇extra charge，有d可能會送埋成長片段）。
– Decor Company/Photo Booth, etc（如需要）
– 伴郎伴娘兄弟姊妹嘅schedule是否能配合
（請留意伴郎伴娘需要是單身，兄弟姊妹嘅配搭度/能力都可以係考慮範圍之內）

*自己去婚宴嘅時候，都可以留意一下有冇自己覺得好嘅vendor。
*以上agreed咗嘅收費/比過嘅deposit/邊個比，都係shared excel度清楚紀錄低！

第五步：結婚戒指 Marriage Ring 

呢個就真係豐儉由人。
有d人會選擇特意訂造，有d可能去直接去門市周大福 / I-PRIMO 買就ok，
簡單款又得，有鑽石冇鑽石又得。
18K比較容易花，所以見好多人都會選擇Platinum 鉑金。

好！其他（仲有好多好多）事項我下回再續。