(SK telecom 隨身wifi router，覆蓋整個南韓，可支援5-7部device，非常穩定而且超快，大概每6－7小時要叉電。最緊要係無限量data！在濟州機場pick up，在釜山金海機場交回，非常方便～) 

這次7天濟州釜山旅遊租借了wifi蛋，平均每天只需港幣53元即可享unlimited data。有了隨身wifi，迷路時開google map，問路時用google translate，參觀景點時可看wikipedia介紹。可惜，有了隨身wifi，這次旅程中最常出現的場面，卻是一行5人低著頭望電話，沒有人說一句話。

這是一個已經被討論得有點cliche的題目了：科技真的將我們拉近了嗎？不知不覺，smartphone的出現已經完完全全改變了我們的生活模式。

現實生活悶了嗎？那就把自己困在另一個更有趣更刺激的小小虛擬空間吧。比起單單跟同桌的妳說笑聊天，我明明可以花一樣的時間去接收更多資訊，跟更多朋友同時互動，「低頭自娛」比起「抬頭做人」似乎更為划算。就算是零urgency去用電話，就算明知道這樣做沒有禮貌不尊重對方，我們卻一一向這誘惑低頭了。

就這樣，人與人之間的真正接觸似乎變得可有可無。在韓國街上見到一對婆孫，婆婆60多歲，戴著眼鏡的小女孩大概5歲。婆婆竟然一邊走一邊手執smartphone播著韓劇給小女孩看！小女孩近距離盯著螢幕（難怪小小年紀，近視已這麼深），完全不理街上情況；而婆婆也只顧望著商店櫥窗。兩個人就算手拖手，感覺卻像分別存活在兩個世界一樣。好怪異的場景。

在韓國，另一「自閉」gadget是自拍神器。這小玩意讓人更可不假外求，順理成章地避免了與其他人溝通。

在韓國的某公園，我們找來一對情侶幫我們拍大合照。我們也offer幫他們拍照，他們竟立刻耍耍手說「no」，因為他們有自拍神器了。

記得跟b在馬來西亞的雙子塔前（嘩，越講越遠添），來自世界各地的遊客在互相幫忙拍照，問問大家where are you from，有說有笑。這樣看似正常的場面，可能快要變得「好怪異」了。

上一次入境韓國已經係小學一年級，遊覽既係「漢城」。今次到訪既係Jeju同Busan，感覺如下：

1. 韓國人d英文真係極差，溝通唔到，lost in translation一樣！可能日本人d英文仲好d，因為有好多同音字，例如ho-te-ru (hotel), biru (beer)。
2. 可能語言不通，我覺得韓國d service都比較差同無禮貌。最常得到既反應係：打個交叉手勢，連環怪叫 No no no no no!!
3. 韓國女生的style：白一白的foundation粉底，超紅唇膏，淺金色的長髮，然後長lailai的外套，露出長腿。(就好比我們祖國的一字眉，瓜子臉，直長髮！）
4. 雖然好多人同我講Busan同Jeju係購物天堂，但其實d野一d都唔平lor。 （死喇我好似好多投訴添，可能日韓比較，我都係覺得日本好d 哈哈）
5. 韓國版既「123笑～」係kimcheeeee。
6. 呢度d shopping malls都好大，而且有好多experience-based既元素。例如天台改裝為小動物園或golf場，頂層改為concert hall或者托兒所，再加個戲院或spa場。依家e-commerce dominate既時代，再靠一般門市商店會越來越難難吸引人流，香港retail可以學習一下。
7. 好多餐廳都設有一部「自動咖啡機」，免費提供一小杯咖啡，幾好飲！
8. Jeju 完全係另外一個「海南」。到處都係大大隻中文字。「習近平探訪韓國，20% off!」，「中國是我們餐廳的好朋友！」，「中國人專用」。差唔多每一間店都有識講國語既職員，and of course，處處都係內地遊客喇。
9. Busan 都係有海有山有高樓大廈，好有香港的feel。
10. 韓國料理真係無咩variety， 餐餐前菜都係kimchee同辣椒=__= 我係唔食辣既。

休稿！

最近中大學生們興起“二十個其實” fb status，分享關於自己既20個random facts。
雖然我已經再唔係學生，但係踏入“第三年做野”同 ”就黎2x歲“既checkpoint，
做呢個exercise，自我檢討下都好呀？
雖然過幾年好我又會覺得自己好低b架啦 （尷尬）

 

好長架！challenge你 read them all !!
你地都試下呀 :3

• 其實，出黎做野之後，了解自己多左。以前返學我只需要麻木地accomplish一個又一個goal，好直接簡單。依家黎到呢個“free fight”世界，要處理既事情唔係再咁black and white，見既人都多左。所以，我發現到，原來我做所有野既出發點，都係比兩個字影響住，“惰性”。

 

• 其實，我真係好懶。好聽d就efficient d，難聽d就係好心急，無耐性，好快就會悶。成日覺得，再擺多d時間去做，都係insignificant difference架啦，算啦close file啦。以前都唔覺自己咁心急架。但我早前參加個card making class（整左我5個鐘omg），同埋一次ppt presentation training，我係全場最快做完個個。然後我望一望四周既人，大家依然係度埋頭苦幹。當時我覺得其他人好傻，但原來我先係太心急了事個個。所以，我成日做野都係得個講字，半途而廢，中途退出，last minute, 睇書skim through就算，點解？因為我唔夠persistent咯，好快就嗌攰。

 

• 其實，我發覺到，我係一個八婆仔，好中意講人壞話，或者做天文台，嚴重地守唔到秘密。呢樣野我都係最近先發現（天音：下！！依家先知！？）。點解突然會aware？因為我有位同事都好中意講人壞話，原來都幾黑人憎。所以，我依家係iphone reminder度寫住：“多讚美，唔好成日bad mouth其他人”。希望我真係會做到啦。

 

• 其實，無論係中文廣東話英文，我真係好中意寫野。好難得，寫blog係唯一一樣我有耐性去做既一件事（雖然最近頹左少少，但由form 2到依家我都無停過呢個習慣）。我寫一篇blog，可以再edit多50次，想polish到最好。但好可惜，我英文d grammar始終都係好差。＿。

 

• 其實，我真係完全唔似一個係美國讀左4年書既人。就算讀左國際學校2年，日本intern 4個月，美國大學4年，我依然係一個超級local既人（d accent依然係超級香港yoooo）

 

• 其實，我d數學真係好差，哈哈哈。讀mit都好架，d人第一個impression就覺得你好聰明好hardcore好quantitative，我喜歡呢個美麗的誤會。

 

• 其實，讀日文既人一定會遇上一個common problem：姨媽姑爹朋友們，會send d日文產品（食物，化妝品）上既日文instruction，叫你翻譯。

• 其實，我做左地產霸權後，我真心中意左property呢個行業。我中意infrastructure，mega project，高尚住宅，高樓大廈。以前唔會有強烈感覺架，可能都同時比b影響左啦

 

• 其實，from head to toe，身體係有超級多毛病。點解？因為我懶咯。（承point number 1）。

 

• 其實，我既朋友唔係好多，但我好相信“物以類聚”呢4個字，我既好朋友們，素質都好高，同我一樣，哈哈哈。
  (wow , 7 years ago I wrote the exact same thing..”i hv a few best friends, though not in quantity, but all with quality (and u guys are in my top friends list if u are not sure who you are”)

 

• 其實，我要多謝jenny介紹我用”普通話輸入法”打字。多得呢個方法，我d普通話發音真係強勁左，多謝呀！

 

• 其實，我哥哥係我偶像黎架。我爹爹媽媽都對我好好，多謝，我係幸福的妹妹。

 

• 其實，我最近發覺成日都不自覺將“男朋友”掛在口邊。我都覺得自己有d煩。可能我都要再diverse下我d興趣and人生既focus啦。

 

• 其實，我真係超級中意搭taxi。因為我覺得我賺錢，就係要令自己舒服。then why not搭的士？

 

• 其實，randomness keeps me going。我中意日常生活中既小surprises。話說最近我又贏左400蚊既amc coupons，join下d niche d既小比賽，贏既機會係100％。

 

• 其實，我覺得b係我人生既天使，secret angel。雖然大家覺得b係怕羞既怪叔叔，但我知道b唔係架。

 

• 其實，我知道自己缺點多多，所以我好insist自己要“日行一善”，去積下陰德。

 

• 其實，我都偷偷希望可以再讀一次undergrad，再有機會，我會be more open to opportunities，step out of my comfort zone。但其實，我只不過係以我自己既style去完成呢4年jehh，無所謂啦hehe。（拿，又比藉口比自己啦。）

 

• 其實，竟然到左point number 19 我先想到要寫自己係introvert，wow。係，我係一個好慢熱內向既人，但我唔再覺得呢個係一個“問題“ lu！以前twitter我寫過一句”alcohol is my extrovert enzyme“，沒錯，好似bbt既rajesh一樣，一飲左酒就放好多。但其實，我都係中意最“original”既我多d。

 

• 其實，我係一個好中意看電影既人，每一次我都會好投入，有好多覺悟。其實我好中意看linkedin，因為我好八卦。what！？我寫左20個points架啦？ok that’s it then。

 

我跟日落說，忙碌過後總能與你相遇，夫復何求。

日落說，這是我倆永恆不變的約定。