impromptuz

通常都係需要早訓嘅晚上，就手痕想寫兩句。

• 話咁快就經過一個多月。由一個屹立香港30幾年嘅傳統室內商場（坐享其成），一飛就飛到去一個正式開業唔夠半年嘅開放式購物中心（見證歷史），而且係二線城市（or 1.5線 or even 1.25線 whatever），當然係好唔慣。突然要睇咁多個accounts，而且語言不通（尊敬的領導@_@），所有野都ok混亂。

[嘩，等等，點解我寫野會有咁多個括號？！]

• 成日聽到人地講「其實呢個人都幾啱做retail」，「其實呢個人都幾啱做leasing」，唔駛講我都知我絕對唔係做retail嘅料子 (or in a conventional definition la)。我從來都唔鍾意shopping（雖然我會欣賞下d brand mix，不過都係返咗工先培養出嚟嘅興趣），我又唔買名牌（有人當年買個chloe手袋，而我不知道什麼是chloe），亦都唔鍾意打扮，所以點解我會踏上呢條路，真係error 404。不過，其實我呢個數學白癡，咪又係讀咗個engineering major出嚟，introvert，都做咗一個暑假sales。所以，好多野，冇得解，命運安排就自然是對的。

• 有wifi signal嘅地方就係我嘅活動範圍。所以，我部macbook已經自然移民咗去飯廳啦（天音：咁你間書房用嚟做咩.\_/.）。可以一邊上網，一邊睇電視，睇世界零距離＋晚間新聞，覺得自己好職業OL呵呵（誤）有一日，我一定會好懷念呢個咁private，咁exclusive，而且裝修得咁contem咁寧靜嘅空間。多謝您房東！

• 其實成都真係一個幾適宜居住嘅城市，除咗有時空氣污染會好差（真係看得見的汙染，所以日日都要track下 China Air Quality Index），日日都陰天（哎喲，其實我已經習慣咗），好多人會吐痰（所以行路一定要望地下），有時好難先有架taxi（不過8蚊起錶，所以暫時未搭過地鐵hehe），我真係冇咩投訴。特別鍾意由機場到市中心都係20分鐘60蚊，好方便。而且咩都cashless，香港反而咩都仲係「實體」，好outdated。

• 好多人對大陸有偏見，當然我都有好多不滿嘅地方，但當有機會同當地人做個朋友，其實佢地，都係人一個jeh。

搬進新居，正式啓動一個人生活。

雖然美國也孤獨四年，但下課後還是有少量群體生活，

這裡暫時還是一個人過活，還可以接受。

安居，樂業，

只是一日三餐我還在尋找最optimal的solution，

還有病了不可以看醫生，

幸好還有11點的tvb晚間新聞為每天作結。

我以後唔會再食雞皮/肉嘅特肥部分！

我會習慣食麥皮！

我會多食raw veg！

我會少食零食/蛋糕！

– 膽固晞 字

我竟然整整7日都冇寫blog！
唔係“其實我想寫但係冇時間寫”，
而係我連我生命中有”blog“呢個element都被遺忘咗。

anyway 呢個星期真係好忙好忙，日日都160萬樣野去解決。
（both工作and non-工作）
疲累到一個地步。

琴日終於都move in咗＝＿＝
到呢個moment先可以好好地坐係我嘅study度打blog。
（我竟然有自己嘅study，激動mode）
好多謝b飛嚟幫我搬屋入伙去ikea買野～無言感激。
我會對b好d架啦，嗚嗚。
而溫室小花表示，依家非常留意水電量，全部都係錢。
b開燈係會比我鬧嘅。

_________

都等我分享下工作咗一個月嘅小小感想啦。

• scope 以前嘅討論之會止於香港九龍新界。而依家就係一個national level咁去睇，北上廣西部北部，而每一個地區嘅消費者都有唔同嘅口味去迎合。
• position 以前見客習慣咗結案陳詞都係“好，我返去同老闆傾傾” or “唉呢d野，都係要等老闆比green light先可以proceed“。但原來係呢度係唔比咁講架！要講”內部“。點解？下次食飯話你聽。