Author: impromptuz
鰻魚飯 2
剩下4個working weeks，我就會開展我長達半個月的「假期」了。工作了6年多，除了去星加坡training之外，都沒有take過一個這麼長的break了。
與其說是「假期」，其實也只是婚禮的最後直路而已。恨不得12月8日快點完結，把我原有井井有條的生活還給我！
2017年9月我寫過一篇叫「鰻魚飯」的blog，原來當我覺得我需要reward自己的時候，我會獎勵自己吃鰻魚飯。今天我也到了黃埔品嚐了一個鰻魚飯天婦羅定食。好滿足。
哎，好想快點退休。不想工作了。有沒有什麼辦法可以停職留薪到永遠？
悲歌：香港納米樓的副產品
香港發展商近年不斷推出極不人道的「納米樓」，面積僅有一個停車位般大。所謂「studio」單位，意思就是床一邊是馬桶，床另一邊就是洗衣機。所謂「煮食空間」，即一個電磁爐加一個蚊型雪櫃。所謂「衣櫃」，就是一個最多可放置幾件大衣的櫃子。為了減省空間，洗手盤乾脆就放在企缸入面，乾濕廁所合一。看看人家芬蘭瑞典的監獄比我城的住宅更為寬闊豪華，可謂悲哀至極。
可惜，在瘋狂的樓市下各種奇形怪狀的住宅產品都有價有市，也同時出現了很多「蝸居」的by products。
1）迷你倉/boxful — 在歐美，雜物放在車房/basement/閣樓就可以了。在蝸居，冬季和夏季的衣服大概也要分開存取。
2) 可變身/對摺/多用途/小巧的傢俱 — 就好似周星馳入面d發明咁，好多機關（睇落係一隻鞋，其實一個風筒咁樣嘅設計 XD）例如，必備梳化床、吃飯先會反出嚟嘅飯檯、可以用嚟放埋吸塵機嘅凳、連天皇按摩椅都要出小巧迷你型嚟cater返呢d flat size。
3）以升高地台、小閣樓（如樓底高），窗台用盡每一寸空間，包括平面area以及airspace。例如窗台用嚟做書檯或床嘅一部分。
4) party room / coffee shop / 會所function room – 依家越來越多party room 可供租借, 咁都冇辦法，150呎嘅屋又點可以邀請朋友嚟開party?! 開張麻將檯都冇位啦 /_\
5) 小朋友 室內playroom / 小朋友親子遊樂場餐廳 – 屋企連比小朋友爬嚟爬去嘅地方都冇。市面上就開始湧現呢d 大面積嘅小朋友playroom。以我所知，租金便宜嘅石門就有好多啦。（咁多小朋友玩係唔衛生架啦，咁冇辦法啦）
6) 自助洗衣店 – 冇洗衣機冇位曬衣服，自助洗衣店成為好多劏房戶/納米樓業主嘅蒲點。
其實面對住樓價 & 租金高企 (both 住宅和商業地產），香港都開始有好多co-living space / co-working space / co-retail space (格仔舖) 嘅出現。美其言就係有community呀，synergy呀，其實咪又係因為太貴租😅
文青新聖地: The Mills南豐紗廠 (開幕前)
由前警察宿舍PMQ 元創方，藍屋，美荷樓，到最近好hit嘅大館，香港嘅歷史建築活化保育項目近幾年可謂百花齊放。雖然以紡織製衣為主題嘅文創空間The Mills南豐紗廠預計係2018年12月頭先正式開幕，今日小mall妹就做先頭部隊嚟「到此一遊」（真係好簡單咁遊一遊 XD 因為只係開放咗六廠)，相信呢度好快會成為香港文青們嘅打卡蒲點！
業主︰南豐集團
地址︰荃灣柴灣角白田壩街45號
交通：The Mills南豐紗廠點去？可以由港鐵荃灣站A3出口（經D ． PARK 愉景新城)。駕車人士可以泊車旁邊嘅工業大廈（最近就係旁邊嘅長豐工業大廈，頭一個鐘$25蚊，之後$30蚊一個鐘）
南豐紡織於1954年成立，曾經係香港產量最高嘅紗廠之一。南豐係2018年就將呢間老紗廠重生活化，成為以紡織製衣為主題嘅文創基地，當中以「南豐作坊」「南豐店堂」同埋「六廠紡織文化藝術館」為館內嘅三大支柱。所以The Mills 嘅位置都係座落於當今嘅工業區，交通就唔係太方便了。
mall妹好鍾意新舊交錯嘅sense of arrival ，雖然直望大門口同樓梯嘅設計係好contemporary，但邊牆就有一幅又一幅手畫嘅壁畫迎接各位，比到來賓a glimpse of textile history，有工廠女工啦，南豐金杯牌嘅logo等等。
剛巧六廠開放嚟做咗嘅明報50週年嘅展覽。係呢度做exhibition非常好，樓底高，面積大空間感十足，curtain wall玻璃幕牆夠時尚，同埋採光度高。
好搞笑地仲有小遊戲玩！贏咗個laptop case同postcard一張（見blog post嘅圖二哈哈）
場地保留咗「金杯牌大閘」，本來真係係工廠嘅大閘。
以前用嚟救火嘅「太平桶」，都變咗裝飾。
幾欣賞佢地嘅signage都用返懷舊嘅字體，成個項目都好consistent in language。
係六廠底層亦有全港第一間舊衣再造店 alt:。
機棉牆絕對係ig打卡點！
到咗都可以了解下舊衣回收再造過程，仲可以睇埋成個系統添！
香港喜帖請帖打印信封tips分享
香港結婚婚禮籌備有關連結:
- 婚禮準備（1年前）:2018 香港婚禮結婚籌備步驟流程懶人包 checklist (1年前）
- 婚禮準備2（半年前）:婚禮準備checkpoint（半年前）
- 姊妹裙：伴娘裙姊妹裙，why not Zalora/ H&M / Zara?
- 花：【2018 花花花】婚禮需要準備咩花？
- 結婚物資：結婚婚禮物資：金都定淘寶？
- 回禮小禮物：有意義！香港慈善性質的婚禮婚宴回禮小禮物
- 喜帖：香港喜帖請帖打印信封tips分享
- 中式婚禮傳統 過大禮 安床：2018香港結婚婚禮: 過大禮 安床儀式 簡單tips
- Big Day前一日實用tips：【堅實用】 香港結婚婚宴big day 前一日倒數終極tips！
- [NEW] 婚禮場地meeting：【婚禮場地meeting】給酒店酒樓的大問卷！
- [NEW] 婚禮司儀mc：【2019婚禮mc推介】揀婚禮司儀有咩需要留意？
————————
嚟到婚禮準備嘅最後直路，就開始要print喜帖啦！
（如果你酒店已經包咗，or你嘅喜帖設計公司已經包埋printing，
咁你就唔需要擔心呢一樣嘢啦~）小小經驗分享：
- 數量：首先要由guest list推算出喜帖同埋信封嘅數量，當然就係一個組合/家庭一張啦（唔好傻到以為一人一張呀）。一定要買多呀！！因為好多時候會寫錯字啦，或者寄出後先有人話嚟唔到！又要寫新嘅。非常常見嘅情況也
- 喜帖嘅大小，厚度（如果想厚d隆重d，可以將兩紙對裱，姐係將兩張紙癡埋），紙質（珍珠紙？），顏色，對摺加工（字體燙金？凹凸？）都係需要考慮嘅，而以上都會影響最終嘅價錢！我自己就將284gsm嘅珍珠紙同352gsm嘅白卡紙兩張對裱，所以厚度十足！
- 可以對比下唔同requiremenr嘅報價，再根據自己嘅budget作最後決定。
- 字體大小都要遷就返d姨媽姑爹叔叔嬸嬸伯伯！最好就大隻d啦。otherwise佢地要用老花鏡放大鏡先睇到架啦。
- 信封嘅大小就記得要就返喜帖，餅卡同埋回禮利是封嘅大小。我自己就選擇咗大喜帖長闊多1cm嘅信封。
- 打印公司：如果唔打算淘寶，本地打印公司推介馬景記。如果想便宜d，eprint都有d結婚卡package可以考慮一下。
- 記得要test print ！係落單打印之前，記得叫printing house幫你做一個sample先。確認ok後就可以全速打印啦！
- 簡單d啦～ 自己去過飲都知，其實d 請帖嘅最後結局都係進入回收箱居多。所以設計上都唔需要太fancy太花費，因為相信不少賓客都係“laai”手就掉 =_=
impromptuz 