良辰美景

（又偷步寫哈哈，coz 要寫深度遊記好花時間）

風景如畫真係唔係講笑。

呢兩日去咗國王湖同德國最高峰楚格峰Zugpitze，好開心可以睇到香港一定睇唔到嘅大自然景色。兩個地點由慕尼黑Munich揸車去都好方便（而且係無限速駕駛，highway又好正。多謝b揸車車）。

但其實心裡面係有d frustrated，景色太靚（360度無死角都咁靚），就算iPhone camera/video都冇辦法capture到現場嘅氣勢、溫度、速度、溫柔和憤怒 （而且唔同嘅天色/雲位置都有唔同嘅effect）。而且本人記性差，好怕自己好快會唔記得當下嘅震撼同感動。

另外見到呢d天堂一般嘅自然景色，心裡面係有d感動。係人類嘅自私摧殘下，希望下一代下下一代都可以睇到咁完美嘅美景。

係呢d絕對零污染嘅環境，都大啖大啖深呼吸洗下個肺。命都長幾年呀！