如何有效處理嘈吵的鄰居噪音問題滋擾？10個tips！

話說本人睡房隔離住咗個講嘢超級大聲嘅中東男人，每一日半夜三更凌晨一點半左右風雨不改準時高聲bilibalah，可能到凌晨三點先停。好似活係另外一個time zone咁樣！依家聽到中東男人聲都驚！😫

對於鄰居樓上隔離噪音 x 紙咁薄嘅牆/天花板，你或者可以：

1. 千萬唔好自己親身走去投訴，以免招致報復性行為。依家d人咁惡，隨時比人鬧返，之後變本加厲。
2. bb半夜喊聲只可以容忍了。
3. 可以打電話去管理處投訴，吵一次投訴一次。但好多管理處都係無能。而且鄰居大可以「走軌」，投訴完一陣又再嘈返。
4. 就算管理處又好報警又好，如果上到嚟一刻冇特別噪音嘅話，佢地就會離開。
5. 搜證！no 證據 no talk。可以錄video記下時間地點以作紀錄。否則同管理處係口講無憑。
6. 等佢搬走。
7. 忍，自己戴耳塞。
8. 忍，令自己習慣噪音中睡覺。
9. 手寫（記住，係手寫！）一封感人嘅信講述下自己有幾淒慘。有可能對方都唔知原來大廈隔音差。如果鄰居有人性有公德心嘅，可能都會被打動改善下。9成得。

1. 如果以上方法都冇改善噪音問題，唯有自己搬走了。有能力嘅話，以後只搬去頂層單邊單位吧。

如果以上方法都唔得，就祝你好運了（睇網上forum，其實都好難解決）。搬走吧。

關鍵字：香港 鄰居噪音 Noisy Neighbours Hong Kong