背景
航空公司affiliates可用極低價購買剩餘機位。但至於最終能否上機，就subject to seat availability和職員本身的seniority了。
楔子
預訂了8:00am由香港到浦東的早班飛機。早上5時起床7時準時在職員登記櫃檯默前默默等候，以為夠早夠神心一定會得到上天眷顧。可惜亦敵不過”long weekend”這咒語，第一班就已經no chance。Well…erm…冷靜冷靜，上海班次多，嚇我唔到既！誰知等了一班又一班，一班又一班，一班又一班。。。
餘下的7小時，本以為會孤身在機場守候坐飛機，更狂想過「唉，去邊都好啦，反正有行李，邊架機有吉位我就上！鄭州呀羅馬呀咩都殺！」
餘下的7小時，在登記櫃檯前巧遇7個人，發現每個人有一個故事。
人物
1. buddy同事
同事是我公司的buddy（year 2 會照顧一位new joiner)，他本身是上海人，在香港讀global business，是次拖著兩大袋行李回鄉探望老爹老媽。不巧，孝順仔第一次使用公司benefit廉價機票就跟我一起遇上「班班機都overbooked!?」的災難場面。這次我倆真的做了一次「難兄難弟」了。
2. 靚仔到無朋友的靚仔
等了3個小時，都在跟這位靚仔聊天。靚仔主動走過來跟我和buddy同事圍了一個小circle，keep me motivated during the wait haha joking (or not!). 他的五官有點像吳彥祖，衣著ABC feel，standard eye candy。他說他在JAL工作，那時我就假定了他是一名空少。
原來航空公司中間會互簽定agreements讓雇員可互飛航線，但priority一定比所有人低。他唯有繼續等，笑說等到天黑也沒所謂，已經習慣了。我也跟著說，我都係等到天黑都無所謂架^^。
buddy和我拿到boarding pass後，buddy問他add fb，我也乘機接著嚷”我又add我又add!”(利申: 拿，唔係我問先架…)
“下，點解我地會有12個 mutual friends??”
(心諗，點解我會同個靚仔空少有咁多個common friends架?! *shock*)
一click，第一個mutual friend竟然係b……………………*SHOCK*
“下，你識b架!?!?!”
“下，你又會識佢既？我係佢同學”
“佢係我男朋友，我去上海探佢….” (天音：終於肯disclose你去上海既目的啦咩!!)
“下，竟然!!咁我依家記得啦，我已經係fb見過你啦咁，越睇越有印象。” （打量）
“………….”
“其實我去上海都係探女朋友哈哈! 喂幫我同b say hello啦，真係好耐無見” (天音：終於肯disclose你去上海既目的啦咩!!)
者係原來佢仲要係buddy同事既大學師兄添，香港真係好細。o_o
3. 去見工都唔買正價機票嘅勇敢男孩
“仲有一個位，呢度邊個係一個人都可以飛？” 地勤人員問大家。
“喂你快d中個頭埋去啦！” 一位空姐姨姨拍拍我膊頭說。他們一家4口去上海旅行，priority排第一（我排第1x…），所以他們一家心情比較輕鬆。
我就中個頭埋去啦舉晒手，”我呀我呀!!!”
呢個時候，一位一臉惆悵粗框眼鏡around my age的男孩也衝出來，”唔該比我先呀，我去見工呀!!” (At last 我地兩個priority都太低啦，出唔到飛比我地。)
“下你去見工?”
“係呀，我去上海見工，約左下晝4點。唉，估唔到有咁多人”
“咁點解唔買正價飛呀?!?! =O= 我check左呀Hong Kong Airlines依家買要4,000蚊，你快d去買啦，趕唔切架啦!”
“下咁又唔好，未必見得成架麻，唔想蝕比佢。”
“下？哦咁我祝你好運啦….”
然後我就行返去我個靚仔circle度lark。
4. 德國工作的上海工程師
在候機區已經留意到他，他一直站在一角望著窗外，似乎心事重重。他應該已經36,7歲，頭髮不多，黃色polo shirt，輕便的拖著一個小行李，應該是內地人。上飛機他坐我左邊，一直沉默不語，吃過飛機餐後他居然跟我說話。
“小姐，你想要我的哈根達斯雪糕嗎?” 果然是內地人。
“不用了謝謝。喂你要唔要呀?” 我問坐在我右邊的buddy同事。
“謝謝，我們倆兒都在減肥哈哈”
就這樣我們就開始與這位顏先生聊對話。
顏先生是上海人，33歲，復旦大學機械工程系畢業，孤身到德國慕尼黑一間semiconductor公司工作，太太兒子都在上海，一年只回國一次，所以心情特別緊張。難怪大家都說上海男人好，從字裡行間就感受到他是一位愛家庭，幽默，穩重靠譜的男人。他分享了華人在慕尼黑工作的辛酸和現今內地教育制度的陋弊，基本上我們三的對話內容已經足夠開一個新blog post!最後他派了卡片給我們，邀請我們到德國遊玩時聯絡他。
最近大家都在指罵內地遊客，其實有教養有文化的內地人也不少，不應一慨而論吧？值得反思。
5. 連續兩日都上唔到飛機既同事
一位同事準備回內地出席好友星期日的婚禮，但目的地南京一天只有兩班機，一早一晚。他昨晚一下班就拖著行李飛身趕來機場，誰知no chance。他今日再來，誰知又no chance，原因是”唔夠weight” / payload，對，是weight overload，機位絕對足夠。。。他只可以grey爆回家，明天再接再厲。
6. 一人遊的女仔
“我本來飛南京，咁改去寧波，以為呢d地方無人去架啦，都爆！唯有試下上海啦。我？我唔係國泰架。因為我家姐係空姐，所以咪可以囉。下？無架，我無訂酒店咩都無架，純粹想一個人遊歷下當係一個adventure囉。我叫做Tracy呀，你呢？”
7. 蜜會某人的同事
這位同事見到我似乎很驚訝，叫我答應他一定要保密他的目的地。Fine…*mouth zipped*….咁我唔多講啦。
SO TRUE..that’s why I printed out everything before sending them out. Sorry trees.
impromptuz 