impromptuz

(Disclaimer: Exhaustion is not equivalent to sadness!)

Station 1: Surveying Lecture at 9am 

第一次officially接受英國大學教育，哈哈。
原來我依然係好中意係d notes度畫公仔。
但一大清早就要同d同學s交換卡片… tired T_T

Station 2: Wedding 

再會好多“中五以後就無再見過面”既同學，
唔知點解..極速消耗晒我d能量…tired T_T
(its like setting ur iphone to max. brightness for 5 hours..)
好似一剎那回帶，返番去中學時既state of mind一樣
which is..well.. you know.

Station 3: BBQ

Great gathering but I am already so exhausted…T_T

終於完成PennDesign 10-week online course Designing Cities 總共三份功課，者係可以畢業啦！
雖然功課唔計分，我都超級比心機去做架，呢d先叫做「 求學不是求分數」架麻。

如果對city planning有興趣，或者無興趣都好，我都誠意推介呢個course，d lectures好時髦(?)，少少theory，然後supported by好多好豐富既examples。更令我有衝動去HKU讀個 MSc Urban Planning（但原來無part time架，算 :< )。

有兩個examples d professors成日會提到：第一個係NYC既High Line，第二既係被譽為”the most innovative city in the world”既Medellín, Colombia。本來Medellín係一個充斥住暴力同毒品既貧民窟，治安混亂。到底政府點樣單靠纜車 & 扶手電梯，將呢個城市由內到外脫胎換骨呢？！呢個blog summarize得不錯（懶）。

坊間有無數篇關於introverts的文章，但基本上篇篇都差唔多，無咩驚喜。
但最近Huffington Post既一篇“10 Ways Introverts Interact Differently With The World”，有多少少points，等我補充下先。

When surrounded by people, they locate themselves close to an exit.
哈哈哈所以一大班人唱k，我一定坐最近門口，等我隨時smoothly離場。所以有時都興幸自己住新界，可以好自然地彈一句（望一望手錶）：「哎呀，就黎無火車啦，要走先啦唔好意思byebye :D（光速逃）」

Deeper conversations make them feel alive. Introverts prefer deeper conversations, oftentimes about philosophical ideas.
Make us feel alive , exactly! 所以畢業後都不時會約「告解」飯局，i.e. 同另一位同樣需要告解既朋友 (sosad)，吹水吹到天南地北，然後兩位都舒服晒~ haha。我覺得飯局最多只可以有4個人，otherwise係傾唔到計的。

They physically can’t stand talking on the phone.
笑左。因為剛剛同A過往一個鐘就係用whatsapp voice messages 黎傾計，其實可以用電話的說。哈哈哈摺友behavior orz。

They succeed on stage — just not in the chit-chat afterwards.
我d chit-chat skills…會突然變左口吃。

Anyways, 記得有一次同某人講到我內向既性格，佢立刻話：「你做乜要咁話自己呀?!!你唔內向呀!」
我：「下?! 內向有咩問題先?? (下刪一千字…..）」
都係個句啦，內向慢熱無罪，只係個性既一種，我們也很可愛。