- 首先，強烈譴責所有小偷！你們用不法的手段去不勞而獲！部iPhone係我辛辛苦苦用血汗錢換返來送比自己嘅禮物。你等天收啦！！！
- 第二，我覺得一切都係整定嘅，it’s all fate and destiny..
- 不過我呢一次又唔係話好傷心，因為部電話本來就壞壞地同埋我有做定期嘅iCloud Backup
《事發經過 － 前提》
有香港同事來成都出差，約佢夜晚drink，我就叫埋我老闆一齊去，當行內香港人大家認識下。本來我就suggest咗好近我屋企嘅 A bar，我老闆話不如去grand hyatt，因為有live band。（契機1：因為我老闆，搞到我需要行遠咗！）我話好啦，有live band聽下歌，冇咁awkward，而且我又冇去過。
我呢，我就好辛苦咁做份operating statement做到9點，然後食咗個快飯，準備返返屋企去拎個袋，我都返到屋企大堂門口了。我老闆話should we go earlier first。然後我就停低咗腳步，我話15 mins later？然後佢話im ready，5 mins。（契機2：因為我老闆，搞到我冇返到屋企拎袋！）
然後我地就要經過春熙路去grand hyatt。我本來用手指指向左邊條路（因為人少d），不過我老闆話佢想行下呢邊。（契機3：因為我老闆，搞到我要踏上超級多人嘅春熙路！！）
因為我要顧住同我老闆傾計，我就放咗個電話係嘅down jacket嘅袋入面（契機4：同老闆一齊行，根本冇辦法太留心道路情況！）。
《事發經過 － 發生了》
我地行到一個比較暗嘅轉角嘅時候，我突然feel到有人同我行得ok近，然後我feel到我右邊褲袋好似突然輕咗。我摸一摸（其實我都唔sure個時我隻手係咪插係褲袋入面），下，得返支唇膏嘅。然後我再摸摸左邊褲袋，冇。我再望望我嘅紙袋，裡面都冇。我其實係個刻就知道，我嘅電話已經冇咗。係頭先個一刻比人偷咗了。
待續。
impromptuz 