2017年3月開始， 與東涌綫結下緣分。買了「全月通」後，來回東涌站南昌站更是免費 $0。
東涌站 – 上班之地，曾經住過一年之地。雖然車程遠，但可以「逆人群」反方向上班，還是挺輕鬆的。
青衣站 – OT後的晚飯之地。喜歡到羅麥記，現在難得有點水準和服務水平的餐廳。丼丼屋也可，因為映灣園居民送免費雞翼。吃完飯後會到三聯書店走個圈，然後搭地鐵回家。
奧運站 – 雖然奧運站超出「全月通」範圍，但有時也會到奧運站的譚仔三哥食米線。最近由「十小辣」升級到「五小辣」，想不到不吃辣20年的我會有如此轉變！念一念咒語「呀姐，我叫得架啦，五小辣腩肉貢丸，小米，細嘅土匪雞翼，凍檸茶」。然後搭巴士回家。
南昌站 – 轉乘站。
九龍站 – b上班之地，結婚之地。見客之地。可以吃稻城亞丁，添好運，春水堂，或到Starbucks坐坐。以前喜歡圓方的靜，可惜現在已經變了上水廣場二號了。
香港站 – 每次像沙甸魚一樣走過到中環站的長走廊，也會留意一下大型廣告這次花落誰家。
以前喜歡藍，現在也開始喜歡紅和紫色，大紅大紫。
今日去買鞋。新春優惠買一對9折，買兩對75折。
其實我真係只需要買一對鞋。如果因為平而勉強自己多買一對，咁就違反咗斷捨離嘅原則。
於是我就膽粗粗咁問隔離試緊鞋嘅夫婦：「eh，你好，唔知你哋介唔介意我夾埋你張單呢？😅」（其實我一直都好想試吓同人夾單，但就一直都冇勇氣咁做）
夫婦竟然二話不說就答應：「好！冇問題！」
我嘅勇敢一問，令到一對原價$799嘅鞋，立即平左$200 ！75折後，現在只需要$599。
呢個舉動會有幾個後果：
0）你會發現自己夠厚面皮。
1）但你亦會好沾沾自喜，因為立刻慳咗$200。
2）本來serve你嘅sales會黑曬面，因為你張單比咗另一位同事。佢就突然冇咗張單。
3) 幫你俾錢嘅陌生人，可以多賺信用卡積分。
4）你身上要有足夠嘅現金，比呢個陌生人。
5）陌生人需要承擔風險，因為你比嘅現金可能係假嘅。
6）你會冇咗張收據，因為張收據係陌生人度。
天音：咁無聊嘅事都寫到一篇blog，真係犀利👏
本來平平無奇的Tuesday，卻發生了兩件random事讓我覺得很搞笑！
黃導遊
1）今日不停有普通話遊客打電話俾我，話我係「黃導遊」。「我的房卡到哪裡啦？」「我現在在珠海要過關，這個過境卡到底要怎樣填呀？」
當我話我唔係導遊，d人仲以為我係同黨咁扮😂😂 雖然比人5點51分嘈醒係有d嬲，但這也是醉了。
情人節收花但唔係我老公
最近發惡夢都夠多了
– 行木橋，行行下腳下的木頭崩裂，直墮地下，癱瘓在沙發上動彈不得
– 困在私家車上閃避超級大黃蜂的針刺
– 在四川一家人遇上大地震，不停遇上倒下來的樹木磚頭
– 比老闆鬧
然後5:51am突然電話響，有大陸人打錯了問「导游！我的房卡在哪里啦！」
otherwise就係2:31am隔離印度人係度大聲講野，otherwise就係10:30pm唔知邊度有人拍波波。。
我只是希望有半晚安睡 /_\
點解無時無刻都會有廣告出現？睇睇下片會有廣告，開電視會有廣告，用gmail會有置頂廣告，周圍都有廣告，唔知邊d先係真心推介，邊d係植入廣告。
幾時開始周圍都係普通話同懶音？入lift講普通話，吃飯四圍左右都係講普通話，開電視tvb新聞廣告都係講懶音？
點解成個香港會無曬好嘢食？依家通街都係連鎖餐廳。所有良心餐廳被迫關店！已經再無一間我會期待「go to」嘅餐廳了。點解60幾70蚊都係要食垃圾呢？
點解成個香港都冇曬人情味？點解度度都咁迫人，度度都要排隊？點解服務行業嘅所有人都冇禮貌？點解所有人做嘢都求求其其？點解周圍都係怨氣卻無半點感恩之心？點解所有人都要靠惡先能達到目的？
可憐了出生在近代的嬰兒，在香港生活成長不容易。
生活各方面也越來越污染，好想大大吸一口新鮮口氣。唔鍾意壓迫感咁強嘅城市，但again，難道其他地方就會更好嗎？
