To Priscilla

上年7月，你還跟我說開始學coding，開始想想自己重新出發後的career choice。
上年9月，你爸爸送你過來，你拖著疲乏的身軀我們在又一城simplylife見面。
今年2月某晚，你突然打給我說想談談15分鐘，就15分鐘這麼多。原來你已經住院多月。我說多看看書，看看劇吧。原來你說藥物已令你的雙眼無法再看清楚，也無法集中精神。
今年5月，把日本postcard寄了給你，我寫了句“try your best and let faith decide the rest!”.
今年7月，在我們常常聊天的fb chatbox，卻收到了你家人給我的追悼會邀請。

就算已經是第三次復發，你是一個非一般堅強和努力的人，無比頑強的生命力fighter，一直保持希望。

就算下著滂沱大雨，你這朵小花兒受著風吹雨打也沒有放棄過。這種永不放棄的精神我們大家都要學習。

今天在地鐵還是忍不住流起了淚來，突然一個朋友這樣就走了。
當世界的時間表繼續前行的時候，
你就停留在20多歲的人生，永遠停留在2019年的6月。
好可惜，這朵小花兒凋謝了，但可怕的戰鬥總算是完了。

希望你在另一邊過得精彩，多看書，多看劇，多學習。

感慨的是，想活的人卻活不了，
可以活的人卻不去活。唉。

二十個其實（二）

係2014年嘅時候做過一次二十個其實，呢d咁青春嘅嘢，等我又做下先。

  1. 其實我覺得人生一定要有嘢look forward，有嘢期待有嘢countdown先可以keep住興奮。
  2. 其實所有問題只需要退一步，都可以break down into small actionable items 嚟解決。唔好比情緒takeover咗。
  3. 其實最近我真係多咗白頭髮 :(  76個accounts。第一次為自己做嘅嘢為恥，而唔係為榮。呢種感覺好差，希望可以快d過去。
  4. 其實人類本來就一張白紙。見到小姪女因為簡單嘅遊戲就可以開懷大笑，我自己同埋家人都可以還原基本步。人類不就是這樣嗎？
  5. 其實我人生嘅追求只係inner peace。我晚晚訓得著，心安理得已經係人生最大嘅幸福。
  6. 其實最近睇facebook 好多氾濫嘅言論真係好suffocating，暫時停咗fb 三日都okay。
  7. 其實好需要好好休息，好需要好regular嘅休息。annual leave應該係比我recover。
  8. 其實香港買得起樓嘅人係咩人？係咪都係要傾家蕩產，當咗條底褲？點解香港d樓會貴過曼哈頓？點解香港嘅housing affordability係全世界最差？
  9. 其實有時都想去美國西岸（天音：姐係stanford啦）讀多個master。但我已經有一個master（天音：係distance learning），讀多第二個好似好走火入魔。而且最重要嘅係，邊有錢讀？呢個investment完全唔justify。
  10. 其實，原來由今年9月開始，我嘅歲數就開始30，31，32，33 咁上，wow。
  11. 其實我真係覺得呢個世界好快就會世界末日。climate change什麼的。人類一手將呢個地球K.O.
  12. 其實好期待9月嘅德國之旅，同埋7月中嘅holiday house （與第一點呼應）
  13. 其實有d驚我會頂唔順嚟緊兩個月嘅18層地獄。準備比所有人高頻率零禮貌咁鬧到上天花板。
  14. 其實要提醒自己，就如b所說，don’t take it personally。我只係執行者。
  15. 其實好想clear my mind 去休息。咩都唔需要做。好想提早退休
  16. 其實有d想買嘅thom browne 嘅卡片套。但太貴。
  17. 其實我已經唔記得咗自己2014年寫咗咩。寫完呢20個再compare返先哈哈。
  18. 其實我已經好多嘢都唔記得，唯有欣然接受呢個退化。
  19. 其實我只希望下年順利度過。
  20. 其實係工作上，我想做一個好人，一個容易相處嘅人。但當遇到d荒誕荒謬嘅事，我都好難再咁樣笑面迎人了。

後記：睇返2014年我寫嘅20個其實，居然係完全冇overlap！！！！咩事。2014年嘅我都係比較自我，依家嘅我就比較佛系了。以前係懶，今天嘅我係累。