之前一直心動想買個 Amazon Alexa / Google Home, 覺得呢d virtual assistant都幾得意。
不過最後都係冇買到。=_=
剛剛去咗深圳小米，見到呢個小米小愛智能鬧鐘 ，都只係149蚊人民幣。
又係鬧鐘又係人工智能，自問普通話都仲ok，
而且屋企都有其他小米產品 （檯燈，空氣淨化機），所以就買一個嚟玩下！
買之前請注意：
- 你自己普通話夠唔夠好？因為所有指令都係要用普通話講，部機聽唔明就無意思了。😅
- 呢d產品，香港人用都比較敏感 d privacy concerns。所以自己考慮下 d risks。🤔
- 呢舊嘢係播唔到歌嘅（要小米小愛AI音箱先有）。😑😑
一開出嚟，wow 好靚仔。黑色顯示屏，好似部iPhone咁！
個display好sharp，正，好清楚。
但個喇叭係後面，所以如果你放牆邊會聽得冇咁清楚。
喇叭音質一般般，應該只係好過傳統收音機少少。
而一大敗筆係要長期插住插頭，因為冇內置電池，一唔插個插頭就冇電！
所以都幾唔flexible，因為呢個鬧鐘係等如鎖死咗係一個位置
（unless你ok 將個插頭插嚟插去啦下）
注：大陸買嘅，自然係兩腳插頭，請自備adaptor轉插器。
用小米產品，當然就係要connect返去佢個app啦。
但好奇怪，一開始佢話 “當前版本不支持該設備，請升級到最新版本後再添加”
點解？！我已經係最update 嘅version嚟架啦播。T_T
原來唔係個app version嘅問題，係我冇轉地區去 “大陸地區”嘅問題。
應該係關於d 隱私條例有關
（所以大家都唔好亂講嘢，全部有「對話紀錄」架哈哈）
開始玩！你只需要叫 「小愛同學」 ，
佢就會好快反應好乖咁回覆「在～」「哎～」
而且個樣會變咗做可愛顏文字。
好！講下d主要功能先！
1. 佢係一個鬧鐘 Alarm
最基本嘅就係做一個鬧鐘。
如果起身，你就可以話「小愛同學，我知道了」，
如果想訓多陣，就話「小愛同學，我想多睡5分鐘」都得。
叫醒嘅時候，佢會播放埋香港嘅天氣情況。
2. 控制其他小米系列產品
如果你有其他家電係小米嘅，你講一句就可以幫你控制。
例如開燈關燈。（當然全部產品都要先連去個app度啦）
3. 問資訊
可以查問簡單嘅資訊，查詢香港嘅天氣，路面情況，講笑話，做簡單嘅計算等等。
4. 提醒 Reminder
呢個我覺得幾實用，如果冇手抄低，
自己講就得，仲可以預設時間。
5. 小睡與冥想 Nap & Meditation
可以選擇小睡/冥想模式，佢會播放自然背景音樂比你輕鬆一下，
例如海浪、爐火、森林、夏夜、雨聲。不過都係小gimmick。
而且音質好一般。
6. 計時 Countdown
對於做運動/煮飯嘅朋友，你可以叫小米同學幫你做計時器！
7. 聽大陸電台，但冇得聽音樂….
呢個都真係一大敗筆，而且電台都係大陸嘅電台，完。
用家評價：
- 雖然我普通話ok，但突然係屋企都要轉台講普通話係怪怪地。
- 雖然我普通話ok，但有d時候佢都get錯咗我講嘅嘢。有d灰。
- 要長期插住插頭，好唔方便。
- 喇叭好一般。
- privacy 問題我都有d concern。
- 但平平地當玩下都okay！
