南京 Day 2 – 5個重要景點、2.3w步

今日有私人導遊，5個景點，2萬3千步（差d就超越Belgium)！
包括中山陵、明孝陵、總統府、先鋒書店總店、梧桐大道。
本來target 3個景點，最後變咗特種兵去咗20個景點。
飯都唔食，廁所都唔去lol

四大古都係北京、洛陽、西安、南京。最多係西安、南京係十個朝代嘅首都，但係命運都唔長。包括明朝、中華民國等。（原來瀋陽都有一個瀋陽故宮，係滿族清朝建。全國有195個永久不出境嘅文物）。
中山陵，孫中山生於廣東、死於北京、葬於南京。行咗好多級樓梯。藍色白色係國民黨嘅顏色。
上面寫住天下為公、三民主義包括民主democracy、民族nationalism、民生people‘s livelihood。而共產黨就變咗聯俄、聯共、扶助農工。難得見都有青天白日滿天紅，可能都係全國唯一。類似Lincoln Memorial.
好彩有擺渡車涼風吹送，如果唔係真係訂唔住。之後就去咗南京同事真心推薦嘅明孝陵。
明孝陵係明朝開國皇帝明太祖朱元璋同埋佢老婆馬氏（係露出馬腳嘅典故）。已經係600幾年前。原來朱元璋嘅墓室尚未開發。（朱棣係Hey Judy!）
朱元璋係罕見由平民出身嘅皇帝，類似拿破崙慢慢打上去。曾經出家為僧。最後一統天下，建立大明皇朝。明孝陵包括墓寢和神道。
神道比較得意，有2 pair嘅文臣武將和神獸。一個跪著、一個企係度。好似早更夜更咁。都係600幾年前嘅神像。終於同一對大象影相。
之後就順便去埋旁邊嘅梧桐大道，好多人做直播。（完全冇吃飯，b好聰明買咗麥當勞早餐，之後一人一條大香腸）。
之後就去咗總統府，五星紅旗插在總統府上。1912年中華民國成立。
都幾驚訝比hk更加尊重事實。竟然會見到台灣旗，有蔣介石和孫中山辦公室。繼續見到好多個天下為公，好有民國feel。
最後同導遊say byebye（800蚊人民幣），仲去埋先鋒書店。
先鋒書店係地下停車場改造，被譽為中國最美書店之一。其實真係好多書，不過就有d走馬看花啦。（其實都唔應該買中文書，次次買咗都冇咩睇）
走嘅時候，坐咗優選一等座。其實同商務座差唔多。