最近開始睇This Is Us 睇到我集集都喊 T.T
裡面講到男配角17歲嘅時候跌傷咗隻腳之後就唔可以再玩footfall，令到佢嘅夢碎
其實就好似我當年20歲第一次腦癇症發作一樣，其實嘢已經唔同咗，好多選擇都要forgo。但其實我冇好好處理過呢個人生改變。
我諗我最近呢一年咁比心機去寫文章同埋做mentor，都係因為（1）因為長期病患and長期服藥關係，唔覺得自己會生小朋友［唔想製造一個會有長期病嘅小朋友！or in general我真係覺得人生係唔值得經歷嘅，當你唔love life嘅時候你就唔會想make life, right?］。（2）而且我咁嘅腦情況，應該40歲左右就會老人癡呆（我覺得 XD）。其實依家d記憶已經開始下滑，我自己知。（3）發作情況越來越差，肌肉抽筋情況多咗，我亦都自己知。（4）膽固醇又因為遺傳關係，已經爆曬標。
所以，我對未來嘅horizon期望，真正fully functional嘅自己，應該都係多20年左右。yup, around 50 that’s the end.
當你覺得自己fully functional 多20年左右，好多嘢都唔會再care。升職加薪唔係我嘅priority，反而想真係做自己認為最valuable嘅事。同埋做一d bucket list上想做嘅事（例如去更多嘅旅行，睇好睇嘅戲，睇更多嘅書，同埋去Stanford XD)
我嘅legacy/influence可以點樣係世界遺傳下去？點樣可以將我學到嘅、或者小小經驗reach到咁多人？其實呢個真係我背後推動我嘅原因。
（其實我都諗過做motivational speaker，但可惜個病唔可以大聲講（會影響事業發展），好似以前d基佬咁唔可以出櫃。希望有一日，我都可以勇敢企出嚟，堂堂正正分享下患病十幾年嘅經驗，等同我一樣經歷嘅人會受到正面影響。）
impromptuz 