轉的勇氣

做了6年魔妹，我可以有兩個選擇：
1）繼續做魔。
2）做地產界其他範疇嘅嘢。

1）繼續做魔
6年來累積的經驗都好寶貴。由於已經做上手，有了一定嘅零售界network，繼續做魔似乎係必然嘅選擇，繼續做上去嘅話應該冇咩問題了，萬事俱備。如果要我唔做魔，我都會好唔捨得。因為需要捨棄嘅嘢唔少，而且問心，做魔都幾好玩。我唔會想同魔永別。去旅行都一定要行魔。

2）做地產界其他範疇嘅嘢

我係一個只可以learn by doing 嘅人。以前無論你同我講幾多次咩係新鴻基新世界，我係冇可能入到腦。必須要每日repeat又repeat，自己親身感受落手落腳做咗一段時間後，我先可以好intuitively咁grasp到發生緊咩事。

with that said，雖然本人係有surveying嘅master degree同埋測量師牌，但好坦白講，我嘅知識都係好片面，因為太多嘢我冇做過啦。

所以，難得system容許我expose多d 新領域，點解唔嘗試？當然會好難，又要從新學起，d人脈又要從新set up。。 但為咗自己嘅life experience（人生經驗！人生就是一本故事書！）同埋development，必須要大大力推自己離開comfort zone。

我嘅原動力係新鮮感，所以，我決定了同魔暫別。
如果我再做多個rotation又係魔，之後我應該永遠都唔會轉了。