中文課

李老師謝師宴。

• 普通話：上圖為我中文堂嘅筆記，佈滿拼音同聲調嘅筆記。
  Form 6嘅我，普通話真係奇差（雖然依家都麻麻地）。正因為我普通話差，李老師時不時都要我答問題，我成日講到一舊舊，尷尬到面到紅哂。於是，每次上堂除咗要prepare notes之外，仲要順便search埋d拼音。弱點，唔可以逃避，一定要下功夫。
• 身教：李老師係我見過最認真投入嘅老師。每次改卷都改得好仔細，一字一句都會用心comment。依家星期六日探老師，其他老師可能係屋企，李老師一定會係教員室。
• 中文：李老師教書嘅熱情，上過佢堂嘅人就會明白。
• 金句：search下impromptuz有關李老師嘅posts，重覆出現嘅有兩句金句：
  「天天是挑戰，一步跟不上，步步跟不上，做事要用心認真」
  「Chance+Ability+Passion」
  雖然李老師同我之間冇發生過d咩轟天動地嘅故事，不過其實兩句金句已經足夠，終身受用。
  記得有位同事話，佢交貨比老闆，差唔多70％準確就得啦。我當時好大反應，下咁點得架？然後呢位同事以為我扮哂野orz。
  多得李老師嘅教導，令我明白到”認真你就輸了“就真係輸了。