世界級麻煩買家

最近比我遇上一個世界級麻煩買家(online 拍賣場） ，真係想噴火!!

首先，地點一定係要星期六日嘅灣仔。
大哥，我星期六日如果冇必要，係唔會過海，係唔會突然用40蚊來回車錢同你交易㗎！

「weekday得唔得？我住新界。」
「唔得，因為補課補到好夜。」

唔，我星期五學法文。
咁我話9:30pm落堂後交收喇，佢話okok。

點知，到咗星期五8:30pm 左右，買家突然whatsapp來一句：
「星期日得唔得？」
.\___/. 我話個日唔得閒，星期六ok嗎？Fine, 我就星期六同你trade，順便星期六前剪個髪。
買家提議：「Sat 8:00pm ok?」
咁夜 @_@ 唉算喇算喇，快d搞掂算喇。

點知，到咗星期六7:00pm，買家又突然send來一句：
「星期一得唔得？」
!!!!!!! 唔好意思都無句！依家d人咁架！改完又改！我真係噴火！
「唔得。我星期五同今日都係特登為咗你而過黎灣仔。」
「我驚補到好夜。。」
「好。你學校係邊？我過黎搵你。」
「咁爽？XD 但我補緊課唔走得。」
「你可以扮去洗手間？-___-」
「啊，我似乎可以走得了。」
（又話夜！又突然走得！？）
拿，到咗呢個moment，都係一句「唔好意思」「sorry」都無講過架下！依家d中學生！！

最後，呢位著住校服嘅學生（原來真係補課。was懷疑ing)黎咗髮型屋搵我。但都係無講過一句唔好意思。

唉算了。
依家d 00後。
我賣嘅
係一部DSE用計數機。