咩世界

又一則令我詫異的新聞。黃之峰與林鄭直接交鋒，對話如下：

（黃之鋒拿着塑膠錘）
黃之鋒：請林鄭收「錘」，放棄一錘定音。
林鄭：我唔係細路仔，唔玩呢啲嘢。
黃之鋒：係咪認為市民要放妳棄一錘定音係兒戲？
林鄭：你都受過教育，都識得尊重人架可？
黃之鋒：我就唔知林鄭識唔識得尊重民意喇！

網民一面倒大讚之峰講得好，有急才，轉數快。隨後之峰在電台節目表示林鄭侮辱示威者，不覺得自己無禮貌（下？），因為「非暴力，非粗口」喎。

嘩，乜依家d人係咁解讀「禮貌」呢兩隻字？唔爆粗唔打架就係有禮貌？係，黃之峰可能係有d急才，但佢又何嘗唔係侮辱緊林鄭？林鄭都係人，都係打份工姐。如果有不滿，林之峰又會否用這種「禮貌」的態度與父母長輩老闆老師「請願」？

蘋果會大字標題鬧政府煽動民憤，但卻輕輕帶過學民思潮成員肆意衝出馬路破壞社會秩序等新聞。香港人的思想被傳媒manipulate到一個地步，連最基本的禮義廉恥都忘記了。