impromptuz

原來我2016年/27歲（7年前）都做過一次，睇返d答案都幾唔同！！有一d都係一致嘅。呢7年間發生咗好多事，例如結婚、變咗姑姐、病情嚴重、COVID、成為了KOL XD 等等。都幾有趣compare返。7年後嘅41歲，你會變成點呢？無論如何，2030年嘅你都要保持住原則！

1.你認為最完美的快樂是怎樣的？

就係冇人煩我嘅時候，心裡面冇煩惱嘅時候

2.你最希望擁有哪種才華？

我希望可以talk with anyone smoothly

3.你最恐懼的是什麼？

恐懼在眾人前大發作出醜

4.你目前的心境怎樣？

唔錯的，因為放假中。但都唔係「大大方方」，有d偷偷摸摸。

5.還在世的人中你最欽佩的是誰？

其實係冇，我冇咩人特別敬佩了。大家都係凡人。以前可能係AKG? 依家可能係運動員吧！例如張家朗、何詩蓓。真佩服。

6.你認為自己最偉大的成就是什麼？

可能就係咁懶底都可以扮到今日 XD 哈哈。xhs 7萬粉絲（全organic，冇買粉絲）我係真係好proud的。病咗15年而自己頂咗咁耐，比個讚比自己。

7.你自己的哪個特點讓你最覺得痛恨？

情緒不穩啦，懶得制啦，對人唔好啦，操心大意啦，introvert啦。但我最痛恨嘅都係fear，好多嘢都「怕比人鬧」而hesitate咗，冇咗以前曾經有嘅glam glam。

8.你最喜歡的旅行是哪一次？

我真係覺得德國之旅係好開心，好豐富（講咗1000次 XDD）

9.你最痛恨別人的什麼特點？

突然唔記得哈哈（因為成日都講「我最憎xxx！」）唔公平啦、雙重標準啦、蝦其他人/我，要我食死貓，俾人屈。

10.你最珍惜的財產是什麼？

健康啦，銀行d錢啦。

11.你最奢侈的是什麼？

就係火車搭頭等，飛機要坐business lol 因為舒服係我嘅priority。

12.你認為程度最淺的痛苦是什麼？

唔識答，全部痛苦都唔會淺。

13.你認為哪種美德是被過高的評估的？

hmm 突然腦閉塞，會有美德係唔好㗎咩？

14.你最喜歡的職業是什麼？

寫作。當然唔需要做嘢係最好啦hehe。做甲方，唔需要跑數and KPI

15.你對自己的外表哪一點不滿意？

鼻子 and 駝背，唔想要咁多白頭髮。

16.你最後悔的事情是什麼？

曾經做過欺凌者。好細個的事了

17.還在世的人中你最鄙視的是誰？

個d強迫細路到跳樓個d父母

18.你最喜歡男性身上的什麼品質？

保護我的～

19.你使用過的最多的單詞或者是詞語是什麼？

最近成日用個句係ml7 XD

20.你最喜歡女性身上的什麼品質？

冇播，好calm又humble個d

21.你最傷痛的事是什麼？

都係病啦嗚嗚，受到委屈啦

22.你最看重朋友的什麼特點？

arm channel就可以了

23.你這一生中最愛的人或東西是什麼？

其實我真係好愛我d姪仔姪女㗎 XD

24.你希望以什麼樣的方式死去？

不痛苦！

25.何時何地讓你感覺到最快樂？

我記得係德國河邊踩住lime，我同自己講要永遠記住呢個咁愉快嘅感覺。我覺得其實可以安靜地寫字，冇人煩我。係flow嘅狀態。也很快樂。

26.如果你可以改變你的家庭一件事，那會是什麼？

hahaha。

27.如果你能選擇的話，你希望讓什麼重現？

我想可以回到大學嘅時候，因為好多野我都唔記得 了 sad

28.你的座右銘是什麼？

最近好鍾意呢一句：人生哪能多如意, 萬事只求半稱心

記得N年前的入學文章，寫了我真的好喜歡shower。是我最多靈感的時候。不是吹水，家裡的浴缸就是有這種魔法！

除了洗澡，凌晨睡覺前也是想法湧現的時候。

– music should not be free, 好像自己買過的CD只有Maroon 5和Bump of Chicken。今天還買了Macklemore，還有未來一隻Eason Chan。

– 人格分裂的我，家裡一個人，街上一個人。正職一個人，副業一個人。我比較喜歡街上、副業的自己。夠快狠準，要有attack dog mentality，不需要對敵人留手。哪有君子之爭？

#癲癇症 #腦癇症 #香港 #epilepsy

講講下其實呢個5-month break都就快完。好多人聽到第一個反應係「下？乜咁都得架咩？」或者以為我乾脆辭職了。首先好多謝呢d英資公司可以對我呢個11年老員工嘅generosity。

但我覺得，身為一個human being，呢5個月都算短了😫。一個天生嘅腦缺陷，一個纏繞住我15年來（姐係19歲到34歲，而且之後係一世的）every single day嘅癲癇症，一日要食藥4次（起身、2點、6點、訓覺。姐係一日要提醒自己4次自己係病人！！🤦‍♀️），我係第一次認真地去直視、好好地去處理呢個問題。

以前開始返工嘅時候，爹爹媽媽話「千萬唔好比任何同事知道呢個病」，幸好慢慢diversity and inclusion都開始普及，我終於有勇氣去大膽「出櫃」了🎉。對於全部同性戀者and長期病患者，非常明白你地嘅感受 – 有苦自己知，人前扮冇嘢。

小發作 – 一年200次以上（姐係差唔多每一日都有1次以上，我形容為「燒炮仗」咁嘅頻率）。小發作其實係好擾人，我會形容會比人「一拳打落嚟」嘅短暫concussion，我會突然好似電腦reboot咁，大叫，暈陀陀、呼吸困難。「拍一聲」就唔記得曬時間、日子、地點、甚至係晝夜、方向、自己做緊乜、眼前係乜嘢，超級disoriented，而且有好爆裂嘅deja vu（係好恐怖）🙎‍♀️。而往往之後幾個鐘我成個人都會好攰，要好難先恢復返。

大發作 – 一年20次。冇錯，就係textbook example嘅抽筋。會咬爆條脷流血、成塊面抽埋一面、流口水、呼吸唔到、嚴重嘅時候會跌落地（雖然通常係有意識，但身體肌肉失控冇辦法）😢。2020年9月25日（31歲），係我第一次大發作。而2023年5月27日，我自己一個係INSEAD酒店房撞爆咗個頭，訓咗係地暈咗40分鐘（係睇番對上一個whatsapp message嘅時間，先知斷片咗咁耐）。由於已經威脅到personal safety，我決定要apply leave了。😎

大小發作的真正恐懼 – （1）係你唔知道幾時會發生，因為隨時會「來襲」。你可能見緊朋友、開緊會、過緊馬路、見緊老闆、見緊客、做緊presentation，係好沮喪（連one-on-one帶sue出街我都冇信心，怕如果發作會嚇親佢/過馬路時有危險）。因為錯不在你。特別係發作嘅時候，係非常醜怪，唔想嚇親人。。成件衫都會係口水。（2）自責感，係咪自己又做錯d乜嘢搞到發作？但我慢慢覺得其實係random出牌，乜嘢情況都可以腦電波異常。（3）發作後的疲累，要好耐先恢復。而冇人會體諒你嘅身體突然得返10%電。（4）每一次發作都係對個腦唔係咁好，藥物同發作都會影響記憶力。

Triggers – 我都好想知道d triggers係乜嘢。但其實係「捉唔到路」。沖熱水涼、專心、壓力、唔夠訓、太夠訓、心急、訓緊覺、剛剛起身、心情唔穩定、唔記得食藥、空氣唔流通，其實乜情況都有試過。。所以基本上80%時間都係「高危」，所以都係算吧啦。🤷‍♀️

難聽過粗口嘅comment – 「有時我都會咁架，唔需要咁擔心播」，癲癇症嘅腦電波失常，你冇可能get到。🤬，「點解又發作呀？你做咩比咁大壓力自己呀？」將個過錯怪咗係我身上wth，但關我咩事呀，我想架？我返工已經好hea！！、仲有「你幾時加入我地嘅Mama club」係非常冇禮貌、所以我從來都唔會問人幾時生仔，it’s very, very, very rude. 當然就係「冇呀，你睇落好精神呀，冇乜嘢呀」呢個就係invisible disability者嘅悲歌了，我係咪要開個全身抽筋video你睇。。

特別多謝 – 我以前唔認識任何病友，所以冇人可以分享。但近年有一個病友WhatsApp group，大家分享下生活嘅挑戰。「大家都好明」其實係好窩心，雖然都係文字上嘅分享，已經好夠。🙏🏻

特別多謝2 – 多謝我身邊願意聆聽嘅朋友。我知道好多人都唔係好知道點樣尷尷尬尬去面對「病了的朋友」（我自己都唔知點handle，好怕offend到對方）。真心多謝大家嘅鼓勵同支持🎀

特別多謝3 – 多謝b。其實當初拍拖時he did not sign up for this！多謝你提我吃藥，幫我mark發作record，對我無限嘅容忍，儘量都係我身邊「磅」住我，驚我有危險。其實佢先係有最大PTSD個位🙃

關於生育 – 呢個係天生fetus development時嘅disorder，因為咁，我都絕對唔會生育。唔係好明點解長期病患/有遺傳病嘅人可以咁自私去「博一博」？好噁心！害了另外一個人嘅一生呀！！🫵但of course 我唔反對健康父母生仔，絕對真開心恭喜（雖然呢個地球/社會好有問題now…）

點解唔辭職？ – 我Day 1開始已經日日都想辭職。但好多原因我都係繼續。如果有一日我終於鼓起勇氣同大家講「我唔做啦！！！！」請你大大力比一個擁抱我，恭喜我終於決定唔理其他人嘅睇法同一切雜音，唔再主動虐待自己嘅身體了。🙌

5個月的time off已經剛剛過了一半了。

• 沒有了weekday和weekend的概念（但要考慮到對方需要weekday上班的需要）而且可以take advantage of 平日嘅少人/平價
• 每天都維持有1-3樣東西要做（包括xhs和一切errands）
• 見到公司或酒店有關的事情都感到好厭惡
• 不知道為何要上班，一個令我非常討厭的工作。上班也是為了父母不擔心而已。這是我的唯一concern。我不退出，是為了父母的精神健康。
• 我以為會。。。但原來還是。。。算了。哪有這麼美好？
• 下年點算？想起都開始肚子痛。到時打到埋嚟先算，應該會非常痛苦。到時先算了。