Author: impromptuz

林海峰 王子華 《愛我別走》好唔好睇？

《愛我別走》係賣飛嘅時候非常loud，搶飛一票難求。但舞台劇開始後好似冇乜noise有d低調，點解身邊朋友好似冇乜人share觀後感嘅？

今日終於去咗睇了，由10個不同場景串連起嚟。我唔係一個專業劇評人 or 睇劇人（最近有睇《最後禮物》同埋《穿Kenzo的女人》），但同老公睇完之後行出戲曲中心，有dd黑人問號。

我地兩個唔係好get到個具體theme係乜嘢，呢10個好似有d東拉西扯嘅故事，加上中間嘅黃先生同林先生書信，除咗都係非常HK，有d暗喻，有d搞笑，但好似缺乏solid嘅連貫性。定係其實只係一個just for fun嘅時間（例如係殯儀館一幕，同觀眾嘅合演非常正！），炒埋一碟showcase現今香港零碎嘅社會現象？個theme係咪「愛」（對家人、兒女、咖啡、寵物、朋友、藝術嘅愛？！）同二人中間嘅「矛盾」？

黃子華同埋林海峰，兩位都係殿堂級了，而且都非常專業嘅演出。而且好少會「同框」出現，所以佢哋係10場戲嘅chemistry都係好新嘅感覺。舞台設計同樂隊都非常到位。

overall來說我都笑得好開心，但好似「帶唔走」一個比較清晰嘅訊息，經過呢10個小故事，導演想講嘅係？