Author: impromptuz

• 我第一個老闆教嘅，做業主最緊要有從不間斷嘅“alertness”。由workmanship（手工），天地牆嘅清潔程度，CS (customer service) 嘅站姿禮貌程度，昇降機電梯嘅操作情況，清潔保安，睇到嘅聽到嘅聞到嘅，全部都係radar之內。其中一間中資地產商，物業管理員工都要隨身佩戴一支長長嘅夾，用嚟夾煙頭之類嘅垃圾，都係一種隨身reminder，隨時都要保持警覺。今日我都做咗樣厭惡性工作，就係去女洗手間，一格一格將門推開，去突擊檢查清潔程度=_=”。哈哈哈 nope, won’t happen in HK.
• 大陸嘅模式就係咁，咩都要score card，咩都要regular audit，再打分，set target，track住d completion rate。
• 有d同事一方面話好想嚟大陸做野，但in parallel又係度鄙視大陸點點點。身為non黃絲嘅我表示，你地唔好咁矛盾啦。well，當然我有好多野都睇唔過眼，但我的確admire呢度好多野都比香港更advance。
• 嚟到成都之後，我可以用“bliss”嚟形容。雖然返工有超級多煩到爆炸嘅豬頭骨要處理，但otherwise我都可以實現我嘅dream life － 終極一人獨居生活。可以當自己隱形，完完全全擁抱一個人的浪漫。唔需要排102P，唔需要迫九龍塘站，我嘅quality of life真係exponentially 改善！

寫一寫一個typical day吧，一個十月的typical day。
（原諒我d 書面語，thanks）

1. iPhone鬧鐘set了三個時間，7:45am, 8:13am, 8:32am。
2. 再有床頭鬧鐘打底 8:00am。
3. 9:00am上班，8:55am出門～每早都是幸福的感覺。102p嘅朋友們你地繼續排隊啦！呵呵
4. 記得關燈關electric heater鎖好門，帶齊鑰匙，行得。（這是以前不會做的事）
5. 返到，開始處理各式各樣的wechat messages和emails。
6. 有需要時會向同事求救Business Chinese Writing hahaha，唔知幾時比我煩死／覺得「不如我賺埋你份糧啦」嘅心情。還是不太能接受emails有大量underline，bold還有紅色字。
7. 同某法國luxury品牌嘅極高層食早餐，呢d，真係香港唔會咁快有呢d機會。香港market 比較mature，d hierarchy都define得好清楚，香港正常嚟講都係對返leasing manager。
8. 因為個場個版圖好大，site visit至少要一個鐘，秋高氣爽都行到周身汗。
9. 電話，有廣東話有英文有普通話。我是比較喜歡躲起來講電話。身為introvert，我都係要預先寫好份「講稿」然後儘量自然地讀出。
10. 然後又會收到non-work嘅電話，例如，我嘅agent，快遞，寬帶維修，清潔阿姨。。urgh。好彩我住得近可以及時處理。
11. 然後永遠都係7點後放工，累了～

• 今日著做件西裝外套，同事立刻inch：「這麼正式，你今天是要打官司嗎？」雖然被恥笑，但我又覺得幾好笑。
• 今日同我嘅新「經理人」傾第一次電話（每個trainee都有一個睇住你成長嘅經理人，但睇咗我三年個位辭咗職）。佢連續提咗兩次我係MIT，我同佢講，MIT已經係irrelevant架啦，地產係我人生裡面全新嘅一章，由頭學起。所以我係邊度畢業，其實唔重要（茶）。
• 呢度嘅返工模式，就係做極都做唔完 －＿－

通常都係需要早訓嘅晚上，就手痕想寫兩句。

• 話咁快就經過一個多月。由一個屹立香港30幾年嘅傳統室內商場（坐享其成），一飛就飛到去一個正式開業唔夠半年嘅開放式購物中心（見證歷史），而且係二線城市（or 1.5線 or even 1.25線 whatever），當然係好唔慣。突然要睇咁多個accounts，而且語言不通（尊敬的領導@_@），所有野都ok混亂。

[嘩，等等，點解我寫野會有咁多個括號？！]

• 成日聽到人地講「其實呢個人都幾啱做retail」，「其實呢個人都幾啱做leasing」，唔駛講我都知我絕對唔係做retail嘅料子 (or in a conventional definition la)。我從來都唔鍾意shopping（雖然我會欣賞下d brand mix，不過都係返咗工先培養出嚟嘅興趣），我又唔買名牌（有人當年買個chloe手袋，而我不知道什麼是chloe），亦都唔鍾意打扮，所以點解我會踏上呢條路，真係error 404。不過，其實我呢個數學白癡，咪又係讀咗個engineering major出嚟，introvert，都做咗一個暑假sales。所以，好多野，冇得解，命運安排就自然是對的。

• 有wifi signal嘅地方就係我嘅活動範圍。所以，我部macbook已經自然移民咗去飯廳啦（天音：咁你間書房用嚟做咩.\_/.）。可以一邊上網，一邊睇電視，睇世界零距離＋晚間新聞，覺得自己好職業OL呵呵（誤）有一日，我一定會好懷念呢個咁private，咁exclusive，而且裝修得咁contem咁寧靜嘅空間。多謝您房東！

• 其實成都真係一個幾適宜居住嘅城市，除咗有時空氣污染會好差（真係看得見的汙染，所以日日都要track下 China Air Quality Index），日日都陰天（哎喲，其實我已經習慣咗），好多人會吐痰（所以行路一定要望地下），有時好難先有架taxi（不過8蚊起錶，所以暫時未搭過地鐵hehe），我真係冇咩投訴。特別鍾意由機場到市中心都係20分鐘60蚊，好方便。而且咩都cashless，香港反而咩都仲係「實體」，好outdated。

• 好多人對大陸有偏見，當然我都有好多不滿嘅地方，但當有機會同當地人做個朋友，其實佢地，都係人一個jeh。

搬進新居，正式啓動一個人生活。

雖然美國也孤獨四年，但下課後還是有少量群體生活，

這裡暫時還是一個人過活，還可以接受。

安居，樂業，

只是一日三餐我還在尋找最optimal的solution，

還有病了不可以看醫生，

幸好還有11點的tvb晚間新聞為每天作結。