impromptuz

Tokyo – Day 5

今日突然好intense，K.O.咗好多個景點。

五代目花山烏冬：排隊第三次終於成功，店內不少香港人。喺最後1秒成功成功點到82號日本橋餐。又真係幾抵食，有刺身、天婦羅、兩個凍麵（仲係附近睇咗日本紙店）
郵政局：突然去咗寄postcard，買咗2張明信片黐貼紙簿。
Daiso：好似去搶劫咁。主要買咗N本貼紙簿比兩隻豬，自己都買咗好多唔等使嘅嘢👀 12蚊變咗5蚊店，係癲d。。比bb叫停要走🤚嗚嗚
明治神宮：剛剛喺閉館前入到去。last minute祈福了、買了護身符、求了籤！雖然未黃葉，但都好舒服。好多古樹
突然Disney Flagship Store：玩遊戲攞咗咗張免費mickey卡、買咗一間mickey衫。
大國：買咗好多綠茶pocky、痱滋貼、發燒藥、防曬、龍角散….又係搶劫式😂😂。
Giant 3D Cat：又真係幾可愛！好多遊客影相。
Big Camera：冇買嘢，但試了Meta Quest嘅VR。
燒肉：食到人生最好食嘅牛舌！！！好驚喜，好感動呀～～現場都有2台香港人。

*之後見到好多salaryman醉醺醺，同老闆虛偽地鞠躬。好唔鍾意呢種男性職場文化。

*好彩今次冇乜買衫買鞋，只係為bb們買咗一間disney衫。因為小紅書個d已經可以好高質。

*呢個星期都出咗一篇post，數據不錯。開心～

*好彩有帶到maje袋，剛剛好。

點解我每次去旅行都係病？

今朝經歷咗一個慘不忍睹嘅interview之後，下午開始旅程。冇錯，又係全部冇跟plan😆多謝b返黎繼續join

已經第3日，3日都係依然冇推翻我嘅statement。就係：我完全唔鍾意日本呢個地方…

我最value嘅嘢係（1）方便度and（2）舒適度。d metro全部都係十萬九千里咁遠、又多樓梯、又咁迫人。最後今日都係忍唔住搭咗2程taxi。而呢個係個norm…！今日來回橫濱真係垂死嘅邊緣。

垃圾分類/冇乜垃圾桶都搞到我好燥底，因為我成日不停流鼻涕🤧

而且我冇debit card，全部都係coins我想死。（呢個係我嘅問題啦下）

同埋係個種空氣中壓抑感。9成嘅salaryman都係一式一樣，大家都係冇靈魂咁返工放工（而好少見到返工嘅女人）大家都係follow住既定嘅routine。（d 廣告都係千篇一律、一個明星，兩句白色字嘅標語。頓號句號，而d內容我都係覺得非常白痴，反映到個民族內心嘅情緒價值係邊度。）

好多彎曬腰嘅老人家（仲要行樓梯），而時不時都會見到殯儀館、墳墓、骨灰龕嘅廣告。冇辦法，呢個國家係真係嚴重地老化。

而且有好多所謂「規例」，而你唔跟隨嘅話，表面好假地禮貌嘅日本人其實心裡面係x到你上天花板。而呢d規例根本用世界係唔接軌的。依然係一個好「向內看」嘅文化。

所以我應該唔會再黎呢個abnormal到巔峰地方了，因為每一秒都令到我好唔舒服，係作嘔。冇錯，就係成個空氣都令到我好uncomfortable…

而且間酒店房又差（對住牆），搞到我出街/返到黎都係唔舒服。。

____

不過講返今日

今日嘅「坐禪」其實又幾好玩！雖然擺明係呃鬼佬，我個group有美國人、俄羅斯人、澳洲人、德國人。仲有抄經、拜神、飲綠茶~interesting
有趣的是，有去過香港嘅人只係quote到Hong Kong Disneyland。不過居然有個德國佬係PolyU讀過一年design
坐禪🧘：盤坐，左手放在右手上，眼睛半合，睇住前面2m左右。3秒breath in 7秒breath out，口或鼻冇所謂。建議早上早餐前meditation 20分鐘。（monk和用長木棍打你，等你集中、唔好訓覺、將bad energy帶走。其實都幾大力哈哈哈）
今日飲咗熱粟米湯了～
之後見咗chishiii
之後去咗食omakase，但我今日先黎傷風，琴日因為趕稿，又冇訓mud制。，

今日主要嘅highlight係：Shibuya SKY觀景台、買咗個Celine CLASSIQUE TRIOMPHE、食咗好好食嘅迴轉壽司和雞白湯拉麵！（同本來個schedule轉曬，因為有人唔起身。不過end up都係eventful嘅）

2019年開嘅SHIBUYA Sky做得唔錯的，given呢個世界已經有咁多觀景台。而且今日天氣好好藍天白雲，都影到幾張「人生照片」
今日個Celine袋，香港賣32k，呢度賣28k。姐係立刻平咗4000蚊！（不過其實so far都係d超級平嘅日用品 or 超貴嘅items係有個currency好處，其他嘢就唔係話平好多。例如Ralph Lauren依然係貴到喊嘅。）
Look卡真係好唔抵呀。要3% and expensive FX rate。希望快d可以有張debit card啦
覺得日本好多嘢都係好唔方便。點解商場8點就關門？點解全部紙巾都咁薄？點解遊客都要垃圾分類（懶）？點解冇uber？
日本嘅subway實在太多樓梯！！相比香港真係好幸福。兩日都行咗13,000+ 步…
另外不同見到d可愛嘅杯，影咗當買咗啦

闊別東京11年，日本5年，今天終於回來了。

最近一直對東京/日本旅遊有一點抗拒。但currency跌到5.08（當年IHI係10），d嘢真係平到唔make sense！有點像趁火打劫，大肆搶掠一樣哈

重遊日本，有點像遇上最熟悉的陌生人一樣。語言已經很生疏，但又未至於唔記得曬。

呢個國家就係好壓抑，好黑暗，我已經冇辦法再好似以前咁去「崇拜」了～過關都搞咗1.5 hour，好多staff d樣都係做到生無可戀咁….which is expected.

今日見了her的同事，很好地由酒店車了我們去食日本嘢。仲特別經過一條睇東京鐵塔嘅路🗼！

以前的我是多麼迷戀東京的夜景喔。由電腦wallpaper到牆上的poster，真係有十多年的時間。但熱情嘅嘢就話冇就冇了，只係一種怪怪嘅感覺。

今日主要就係行convenience store便利店哈哈。決定一日飲一杯唔同嘅嘢飲🧃。今日買咗綠茶、野菜一本、hand cream、xylitol香口膠、Family Mart炸雞。

奇怪的是，原來日本係冇chewing gum呢回事，可能係乾淨關係所以冇呢種產品？另外都冇消毒噴霧..