Author: impromptuz

Tokyo – Day 5

最後一站來到了2023年開業嘅Azabudai Hills（麻布台Hills)！

食咗炸豬排（全部餐廳都需要排隊）、參觀了Janu Tokyo酒店（東京鐵塔🗼景色震撼）、去了Azabudai Hills Market超市（食咗雞軟骨和超好食嘅Toro雖然已經好飽）。

乘坐Skyliner去成田機場。有cart OK嘅扶手電梯、買咗MUJI TO GO、買咗好平嘅shiseido、去咗國泰候機室（唔合理地大，設計有d aged）。

總括呢幾日嘅「重遊東京」，都係呢4樣嘢我覺得好麻煩：
（1） 點解所有tissue都要咁薄？點解餐廳唔提供餐巾紙？
（2）點解街上冇垃圾桶？成日都攞住垃圾…（好多嘢其實都需要儘快dispose，例如鼻涕紙、咖啡杯等）
（3）點解全部metro都要唔人道地
（4）點解d salaryman都仲係咁冇靈魂，需要”nomi-nication”? 而且仲係heavily男人主導ewwww

日本也許係一個受到全球歡迎嘅旅遊景點（due to 強大嘅動漫文化、日本美食等）。但如果要長期生活，真係咪搞我。

另外留意到，好多arubaito都係南亞人。好多關於招聘嘅廣告。係咪佢地workforce唔係好夠了？

最後，可以係日圓4.99嘅時候黎，真係有少少「唔諗就買」嘅海盜搶劫mode。可能都買咗幾多「非必要」嘅嘢。。我要review返 XD

呢個星期覺得自己都幾「不被需要」，工作上真係有點空虛。要繼續聽塔羅牌嘅指示，可以試試轉工的！

（被要求加嘅部分🙄）
係dudu唔係度嘅一日，需要自己睇地圖搵路，真係超級累。都係做返一隻跟尾狗開心d

Tokyo – Day 5

今日突然好intense，K.O.咗好多個景點。

  • 五代目花山烏冬：排隊第三次終於成功，店內不少香港人。喺最後1秒成功成功點到82號日本橋餐。又真係幾抵食，有刺身、天婦羅、兩個凍麵（仲係附近睇咗日本紙店）
  • 郵政局：突然去咗寄postcard，買咗2張明信片黐貼紙簿。
  • Daiso：好似去搶劫咁。主要買咗N本貼紙簿比兩隻豬，自己都買咗好多唔等使嘅嘢👀 12蚊變咗5蚊店，係癲d。。比bb叫停要走🤚嗚嗚
  • 明治神宮：剛剛喺閉館前入到去。last minute祈福了、買了護身符、求了籤！雖然未黃葉，但都好舒服。好多古樹
  • 突然Disney Flagship Store：玩遊戲攞咗咗張免費mickey卡、買咗一間mickey衫。
  • 大國：買咗好多綠茶pocky、痱滋貼、發燒藥、防曬、龍角散….又係搶劫式😂😂。
  • Giant 3D Cat：又真係幾可愛！好多遊客影相。
  • Big Camera：冇買嘢，但試了Meta Quest嘅VR。
  • 燒肉：食到人生最好食嘅牛舌！！！好驚喜，好感動呀～～現場都有2台香港人。

*之後見到好多salaryman醉醺醺，同老闆虛偽地鞠躬。好唔鍾意呢種男性職場文化。

*好彩今次冇乜買衫買鞋，只係為bb們買咗一間disney衫。因為小紅書個d已經可以好高質。

*呢個星期都出咗一篇post，數據不錯。開心～

*好彩有帶到maje袋，剛剛好。

Tokyo – Day 4

點解我每次去旅行都係病？

今朝經歷咗一個慘不忍睹嘅interview之後，下午開始旅程。冇錯，又係全部冇跟plan😆多謝b返黎繼續join

  • 今日去食烏冬又賣晒！見到有香港人排隊，就係信心嘅保證。聽日再試過啦。所以去咗食鰻魚飯
  • 去咗東京站一番街，買咗櫻花style嘅Suica Card
  • 去咗Daimaru睇casio，點知係「honmono ja nai」。但店員友善地用翻譯app話「我地日本冇賣呢個款😅」
  • 去咗Daimaru嘅Tokyuu Hands，買咗好多唔等洗嘅文具！！
  • 終於去咗Aman Tokyo。上到33樓嘅lobby係有被震撼到。個種東京夜景，真係好cosmopolitan（succession主題響起）
  • 之後就去咗銀座本州屋+ 椿屋咖啡屋，見小紅書嘅朋友仔。粉絲會面嘅第5個城市 XD
  • 夜晚用Famichiki送藥（family mart嘅雞）

Tokyo – Day 3

已經第3日，3日都係依然冇推翻我嘅statement。就係：我完全唔鍾意日本呢個地方…

我最value嘅嘢係（1）方便度and（2）舒適度。d metro全部都係十萬九千里咁遠、又多樓梯、又咁迫人。最後今日都係忍唔住搭咗2程taxi。而呢個係個norm…！今日來回橫濱真係垂死嘅邊緣。

垃圾分類/冇乜垃圾桶都搞到我好燥底，因為我成日不停流鼻涕🤧

而且我冇debit card，全部都係coins我想死。（呢個係我嘅問題啦下）

同埋係個種空氣中壓抑感。9成嘅salaryman都係一式一樣，大家都係冇靈魂咁返工放工（而好少見到返工嘅女人）大家都係follow住既定嘅routine。（d 廣告都係千篇一律、一個明星，兩句白色字嘅標語。頓號句號，而d內容我都係覺得非常白痴，反映到個民族內心嘅情緒價值係邊度。）

好多彎曬腰嘅老人家（仲要行樓梯），而時不時都會見到殯儀館、墳墓、骨灰龕嘅廣告。冇辦法，呢個國家係真係嚴重地老化。

而且有好多所謂「規例」，而你唔跟隨嘅話，表面好假地禮貌嘅日本人其實心裡面係x到你上天花板。而呢d規例根本用世界係唔接軌的。依然係一個好「向內看」嘅文化。

所以我應該唔會再黎呢個abnormal到巔峰地方了，因為每一秒都令到我好唔舒服，係作嘔。冇錯，就係成個空氣都令到我好uncomfortable…

而且間酒店房又差（對住牆），搞到我出街/返到黎都係唔舒服。。

____

不過講返今日

  • 今日嘅「坐禪」其實又幾好玩！雖然擺明係呃鬼佬，我個group有美國人、俄羅斯人、澳洲人、德國人。仲有抄經、拜神、飲綠茶~interesting
  • 有趣的是，有去過香港嘅人只係quote到Hong Kong Disneyland。不過居然有個德國佬係PolyU讀過一年design
  • 坐禪🧘：盤坐，左手放在右手上，眼睛半合，睇住前面2m左右。3秒breath in 7秒breath out，口或鼻冇所謂。建議早上早餐前meditation 20分鐘。（monk和用長木棍打你，等你集中、唔好訓覺、將bad energy帶走。其實都幾大力哈哈哈）
  • 今日飲咗熱粟米湯了～
  • 之後見咗chishiii
  • 之後去咗食omakase，但我今日先黎傷風，琴日因為趕稿，又冇訓mud制。，