Author: impromptuz

今日就係好遲先出發。

首先臨時去咗一個網紅brunch店Pina，原來就係酒店附近。附近嘅街道都好Nice，好幽靜好舒服。

之後我哋經過Botanic Garden，之後去咗Taronga Zoo嘅碼頭。但由於b冇計劃好嘅關係，要等24分鐘先有船。船上嘅風景都好靚。

點知去到zoo後，竟然巴士去動物園門口要再等37分鐘！！…..因為個lower entrance已經closed咗。咁都得。

由於唔想再嘥時間，只係得返1 hour左右動物園。我哋叫咗一個Uber。我地都邀請咗路人甲免費一齊坐。做了一件好事。而且係Tesla添。

第一個B女竟然係咁喊，唔想上。最後邀請咗一對老夫婦。

動物園只係快速睇咗長頸鹿、樹熊、同埋近距離袋鼠。

夜晚去咗Luna Lu On The Rock同朋友食。

之後就坐Quantas好夜返Melbourne啦～

Sydney坐Uber去機場遇上咗健談嘅司機，佢鼓勵B去做truck driver。佢話好多悉尼人都會有second stream of income。

B唔想俾咁貴坐Uber嘅surge price 72蚊，所以嘗試叫滴滴，但係完全冇車嘅。等等下竟然變咗60咗蚊，好野！

期待咗10年嘅酒店The Larwill Studio，之後竟然係喺一個醫院大樓入面！ ！而且我期待已久嘅床舖，已經冇咗……>o<

不過好彩間房樓底高，空間大。非常實用，而且對住個park view依然喺度。

喺澳洲三間酒店竟然都係冇水提供。所以B都要凌晨去咗油站買水。

最過分嘅係，第一間酒店連拖鞋都冇，明明係holiday inn Express！！但由於第二第三間嘅酒店係冇膠袋，所以我個B都冇用。

今日嘅行程比較輕鬆。

去咗Bondi Beach，水清沙幼，d浪好靚。但居然個泳池冇曬水，居然係個小巷度，咁都迎面撞到同事！！走嘅時候坐咗uber明星「專車」。

之後就食咗Nando’s，買咗止痛藥Panadol同埋Deep Heat貼。。咩都買曬。

經過Botanic Garden, 之後就去咗最signature嘅Opera House x Harbour Bridge.

城市裏面大家都很chill，好早就happy hour。澳洲嘅薪俸稅好高，但消費物價又咁貴，真係諗唔明。

食咗Messina雪糕，睇咗Apple Sydney嘅三層店。

之後夜晚就同舊同學食飯，食海鮮酒家。個蜆炒麵底幾好食，原來B九年前都嚟過呢間酒樓。

同學係2003年之後就冇見過。同學係獸醫，之前喺愛護動物協會工作，工作很有趣。

因為喺澳洲，啲貓狗都有可能被毒蛇咬。賽馬同埋配種牛好值錢。

做獸醫嘅心理陰影都好大，例如好多寵物主人唔願意比好多錢去救啲貓狗（ethics)，又例如佢要負責去毁滅啲BB貓。

有咗Facebook同埋Instagram，只要雙方都願意主動比effort去約，就可以相見！

今日隻手都係痛到PK，好可憐的我。

原來澳洲嘅Daylight Saving已經完結，原來轉咗時間、我哋都懵然不知。好彩iPhone夠聰明，識得自動調節時鐘同埋鬧鐘。（由3小時時差、變了兩小時時差）。

今日終於嚟到Blue Mountain, Three Sister Rocks。

完全乜都冇plan嘅情況之下，最後又順利進行。

由King Cross—>Central Station搭雙層火車到Katoomba車站（海拔3000ft）大概需要兩小時。我地都算遲出發，10:16am開火車。（係食食吓早餐突然發現架車就嚟走！所以係喺酒店跑過去車站，大概20分鐘）。

雙層火車我哋都係坐Quiet車廂，不過我地都係ok嘈。

我哋行咗大概45分鐘去到Scenic World，員工都讚我地哋”Well Done!”。

中間去咗一間Canton Palace，原來係1996年由香港人開嘅餐館。食物都好唔錯，叫咗沙茶牛肉、楊州炒飯、同埋一個菜。中國人都係要食返中菜先至開心，我真係需要食菜。

中途見到有一個Katoomba Falls Lookout，b覺得崩潰，因為原來個風景可以免費睇。風景果然好靚。

去到Scenic World，不得不讚流程真係好seamless。個全世界最斜嘅Railway真係好斜！！

中間行咗少少熱帶雨林，係我需要呼吸嘅清新空氣。

返到城市，先去咗Queen Victoria Building。街上好多年輕嘅留學生，全部都係00後。店舖好早就閂門。街上一樣有好多流浪漢，但比墨爾本乾淨少少。

之後就去見朋友食咗韓國嘢，多謝朋友車我哋遊車河同埋車返酒店（但可惜落大雨，又天黑了），有請我哋食日本雪糕雪糕，到12點先返屋企。

期待聽日正式Citywalk。

今日首先去咗2022年全球Top 100Restaurant （#84）嘅Gimlet, 食咗我人生最貴嘅一道菜。Southern rock lobster with saffron rice and rouille

由於超市嘅可樂同埋檸檬茶太貴（要4蚊+），所以b買咗一大樽Paul’s嘅牛奶隊咗佢。好飲。

之後就去咗Brighton Beach Beach Boxes，又係講咗成年想去嘅沙灘彩色小屋。終於都去到了！今次我哋由車站慢慢行去海灘，見到好nice嘅社區。所以用腳行，會睇得到更多。

走之前食咗個yogurt。又食咗Krispy Kreme同細薯（之後b唔比我再買薯條，好可惡）。

澳洲主要嘅超市有Willworths、Coles、同埋Kmart。另外都有一間 Chemist Warehouse。

之後我哋就搭飛機去悉尼。今次搭嘅係Quantas，估唔到一個鐘頭嘅飛機，都會有免費嘅Wi-Fi、包行李、有嘢飲、有小食。b嘩終於飲到佢一直都好想飲嘅薑啤。

有人見到自己個行李，就好激動咁跑。

今次悉尼係住Hotel Indigo。酒店雖然有包早餐，但係我見過最頹嘅一個早餐。但好彩佢有好好嘅朱古力同埋咖啡飲。早餐只係有簡單嘅凍食，例如水果，芝士，火腿，同埋雞蛋等等。

感覺悉尼雖然係比較CBD，比墨爾本好少少，但都係唔算繁華。

今日join咗Klook嘅day tour，11am到9:30pm，好充實。雖然時間比較匆忙，不過明白呢啲鴨仔團就係咁㗎啦。

今日嘅Columbia擋風衣大派用場，因為真係好大風。大海上面都係好高嘅白頭浪，我都差啲吹甩咗頂帽。

今日我個B都發現咗原來件始祖鳥有頂帽，變咗一個賊。

今日嘅行程包括：

• 單程嘅Puffing Billy Train。坐錯邊，算..都幾好玩，影咗好多相（又係做咗好煩嘅香港人，阻住隔籬嗰d乘客）。不過都好難影得好！
• Nobbles，個風景真係好靚，意外嘅驚喜。
• Philips Island嘅Penguin Parade。企鵝要成功上岸都唔簡單，d浪係咁衝走，佢地又怕d seagull係predators。我哋企咗喺輪椅隔籬個位置，原來先係最佳嘅觀賞點。
• 中間食咗個Nat’s Fish and Chips，個魚真係好好食。
• 夜晚食咗McDonald’s，朱古力好好飲，但係個漢堡包就一般啦。
• 不過時間真係好趕，每一度都有啲走馬看花，中間仲有一個遊客唔舒服要車佢去醫院。所以得返30分鐘去食Fish & Chips。
• 我哋兩次都係最遲上車，真係好衰嘅香港人 XD
• d meal break時間都好奇怪，我地食無定時就話啫，其他人點樣可以包容到？