Author: impromptuz

於完成了「說走就走」的7天澳洲之旅，上一次long-haul trip已經是2023年9月的西雅圖/溫哥華之旅（天音：才一年半卻恍如隔世！）。

Pain ：今次旅程也不例外，由Day 3早上的一個小噴嚏🤧，就開始了連續每一天的手臂/背部劇痛。以前旅行也是這樣，不是傷風就是扭親腳，不是PK就是失聲。讓每一天的enjoy程度都大減40%。很怕會成為chronic back pain，if yes，我也太痛苦了🥲。回上海後，還是快點去看醫生吧。

世界很大：看到海上的巨浪巨石、Bondi Beach的藍天白浪、沙灘上的小小企鵝、野生的鸚鵡群、熱帶雨林的巨樹、各種獨特的鳥（但原來是稱為flying rat）、樹熊和袋鼠。這個世界原來除了iPhone和公司的屏幕，抬頭就會看到很多。

WiFi：這次酒店的WiFi和自己手機的數據都很「絲滑」。不用VPN上網、完全零耽誤，原來心情都會好一點。

朋友：見到幾位朋友，感覺上都有點無憂無慮。為什麼自己卻長期抑鬱？自己是否都可以「睇開啲」？最近很喜歡的一句話，人不需要向上走，也可以四處走。

500萬：旅程期間突然收到小紅書的里程碑milestone，閱讀量超過了500萬。原來心裡都有點感動，謝謝自己的堅持。由easyjournal到xanga到Wordpress，然後終於commercialize我的文字（雖然越寫越hea lol）。感謝自己的努力！

小小好事：航班起飛前，居然發現了對面行李架開了，立刻notify了空姐。另外在Taronga Zoo積極找人免費share an Uber。希望好事會帶來好報吧 T.T

星期五，今日墨爾本非常旺，全部餐廳都排隊，人來人往，我推翻之前嘅「不繁華」定律！

今日12:30先起身，即刻沖去Rare Steakhouse。食咗期待已久嘅肉眼扒。但可能太大份，越食越飽。薯條好味、蘑菇好味。

之後好近就可以去到Patricia Coffee Brewers，b叫咗第一杯咖啡（外賣杯），影咗好多小紅書素材相。點知一啖都冇俾我飲過。所以佢又叫咗第二杯（用杯）。

之後就去咗Post Office，既明信片俾兩個BB，但我竟然寫咗自己屋企地址。

終於買咗兩樽可口可樂， $7兩支。好似係第一次飲可樂。

之後就去咗Melbourne Visitor Hub，買咗明信片、磁石、同埋畫畫紙。喺附近嘅文創小店，再買咗啲明信片。

之後我就要dial in開會了。行咗去Dymocks書店，買咗書俾兩個BB。

之後就見朋友食越南河粉，要排隊，牛丸幾好食。朋友請咗我哋食飯，所以我哋又喺唐人街請返佢食雪糕。

朋友原來要一個鐘頭先出到嚟city，平時一兩個月先至會嚟一次。中國人主要住喺小火車附近嘅地區。

朋友揸Benz AMG跑車，第一次感受到咩race mode。朋友突然冇預警之下，訂咗個180度嘅靚彎， 2秒之內加速到80km/h，我頸都甩。但架車真係fum fun 聲，係我最憎嗰啲跑車聲。但原來喺架車入面，都幾型。XD

（兩位移民澳洲嘅朋友，都好似好無憂無慮，咁點解我自己又會咁大壓力呢？真係值得反思自己。）

之後朋友帶咗我哋去Crown Casino（原來佢泊車車要好貴，真係唔好意思）。行咗河邊，有噴火表演。

自己靜雞雞賭咗10蚊澳紙嘅Roulette，立即就贏咗22.5蚊澳紙 XD 贏住走！！yeahhh~ 留住咗張cash coupon….唔知做乜。

星期一 (Day 3)朝頭早坐喺張床度打咗個乞嗤，隻左手手臂下方，近armpit部分就痛到pk。估唔到咁頑強，經過五日，都完全冇好轉。無論係必理痛、熱貼、服他靈，都效果一般。返到上海應該要睇物理治療。。sad。今年犯太歲，真係一浪接一浪。師傅都有講今年會有勞累的骨，可能呢個都係其中一項。

今日就係好遲先出發。

首先臨時去咗一個網紅brunch店Pina，原來就係酒店附近。附近嘅街道都好Nice，好幽靜好舒服。

之後我哋經過Botanic Garden，之後去咗Taronga Zoo嘅碼頭。但由於b冇計劃好嘅關係，要等24分鐘先有船。船上嘅風景都好靚。

點知去到zoo後，竟然巴士去動物園門口要再等37分鐘！！…..因為個lower entrance已經closed咗。咁都得。

由於唔想再嘥時間，只係得返1 hour左右動物園。我哋叫咗一個Uber。我地都邀請咗路人甲免費一齊坐。做了一件好事。而且係Tesla添。

第一個B女竟然係咁喊，唔想上。最後邀請咗一對老夫婦。

動物園只係快速睇咗長頸鹿、樹熊、同埋近距離袋鼠。

夜晚去咗Luna Lu On The Rock同朋友食。

之後就坐Quantas好夜返Melbourne啦～

Sydney坐Uber去機場遇上咗健談嘅司機，佢鼓勵B去做truck driver。佢話好多悉尼人都會有second stream of income。

B唔想俾咁貴坐Uber嘅surge price 72蚊，所以嘗試叫滴滴，但係完全冇車嘅。等等下竟然變咗60咗蚊，好野！

期待咗10年嘅酒店The Larwill Studio，之後竟然係喺一個醫院大樓入面！ ！而且我期待已久嘅床舖，已經冇咗……>o<

不過好彩間房樓底高，空間大。非常實用，而且對住個park view依然喺度。

喺澳洲三間酒店竟然都係冇水提供。所以B都要凌晨去咗油站買水。

最過分嘅係，第一間酒店連拖鞋都冇，明明係holiday inn Express！！但由於第二第三間嘅酒店係冇膠袋，所以我個B都冇用。

今日嘅行程比較輕鬆。

去咗Bondi Beach，水清沙幼，d浪好靚。但居然個泳池冇曬水，居然係個小巷度，咁都迎面撞到同事！！走嘅時候坐咗uber明星「專車」。

之後就食咗Nando’s，買咗止痛藥Panadol同埋Deep Heat貼。。咩都買曬。

經過Botanic Garden, 之後就去咗最signature嘅Opera House x Harbour Bridge.

城市裏面大家都很chill，好早就happy hour。澳洲嘅薪俸稅好高，但消費物價又咁貴，真係諗唔明。

食咗Messina雪糕，睇咗Apple Sydney嘅三層店。

之後夜晚就同舊同學食飯，食海鮮酒家。個蜆炒麵底幾好食，原來B九年前都嚟過呢間酒樓。

同學係2003年之後就冇見過。同學係獸醫，之前喺愛護動物協會工作，工作很有趣。

因為喺澳洲，啲貓狗都有可能被毒蛇咬。賽馬同埋配種牛好值錢。

做獸醫嘅心理陰影都好大，例如好多寵物主人唔願意比好多錢去救啲貓狗（ethics)，又例如佢要負責去毁滅啲BB貓。

有咗Facebook同埋Instagram，只要雙方都願意主動比effort去約，就可以相見！

今日隻手都係痛到PK，好可憐的我。

原來澳洲嘅Daylight Saving已經完結，原來轉咗時間、我哋都懵然不知。好彩iPhone夠聰明，識得自動調節時鐘同埋鬧鐘。（由3小時時差、變了兩小時時差）。

今日終於嚟到Blue Mountain, Three Sister Rocks。

完全乜都冇plan嘅情況之下，最後又順利進行。

由King Cross—>Central Station搭雙層火車到Katoomba車站（海拔3000ft）大概需要兩小時。我地都算遲出發，10:16am開火車。（係食食吓早餐突然發現架車就嚟走！所以係喺酒店跑過去車站，大概20分鐘）。

雙層火車我哋都係坐Quiet車廂，不過我地都係ok嘈。

我哋行咗大概45分鐘去到Scenic World，員工都讚我地哋”Well Done!”。

中間去咗一間Canton Palace，原來係1996年由香港人開嘅餐館。食物都好唔錯，叫咗沙茶牛肉、楊州炒飯、同埋一個菜。中國人都係要食返中菜先至開心，我真係需要食菜。

中途見到有一個Katoomba Falls Lookout，b覺得崩潰，因為原來個風景可以免費睇。風景果然好靚。

去到Scenic World，不得不讚流程真係好seamless。個全世界最斜嘅Railway真係好斜！！

中間行咗少少熱帶雨林，係我需要呼吸嘅清新空氣。

返到城市，先去咗Queen Victoria Building。街上好多年輕嘅留學生，全部都係00後。店舖好早就閂門。街上一樣有好多流浪漢，但比墨爾本乾淨少少。

之後就去見朋友食咗韓國嘢，多謝朋友車我哋遊車河同埋車返酒店（但可惜落大雨，又天黑了），有請我哋食日本雪糕雪糕，到12點先返屋企。

期待聽日正式Citywalk。