Author: impromptuz

「驚現老態」？

最近fb新聞都喜歡報導，某女明星「現老態」、「身材走樣」。其實這不是正常不過的事嗎？反而那些「膠臉」、「凍齡」才恐怖（例如71歲的時裝設計師Vera Wang)。人會變老的，unless你是Benjamin Button吧。

「年紀大、機器壞」是自然的事。就算「皮膚竟偷偷鬆了」，也無需要大驚小怪！

咩係失神腦癇？(Absence Seizure)

相信大家都聽過「發羊吊」「癲癇」「羊癇」（依家官方名稱係「腦癇」！），但其實都有分好多種，包括有「大發作」同局部性嘅「小發作」/ 「失神」。

今次想分享一下「失神」嘅經驗（因為google都好似冇咩中文嘅資料），如果有同路人都可以留言比我分享一下架🙏

小發作嘅誘因通常包括：

  • 睡眠不足
  • 壓力大
  • 太累
  • 過度集中（例如開會、整excel、睇文章，寫blog-.-）
  • 精神緊張
  • 唔記得呼吸😅

發作時：

  • 好似突然跳制/突然中槍一樣，精神錯亂。
  • 冇咩好specific嘅先兆（aura）。
  • 過程3-10秒左右，會唔記得咗自己係邊（方向感都會有問題，就算係屋企公司都好似迷宮咁）、唔記得時間（日頭？夜晚？返緊工？幾點？）、唔記得星期幾。
  • 或者都有「回到過去某一個時間點」嘅感覺，例如突然好似返到去form 7某一日，但好難形容。
  • 通常我都會「呀」一聲。之後呼吸不暢。
  • 發作期間絕對fully aware，只係突然來襲但冇嘢可以做到，等佢完。
  • 最嚴重時可能會肌肉僵硬/不受控地抽筋。當然都要睇返你腦異變係咩幅度/咩位置。

發作嘅心理狀態：

  • 超frustrated，憂慮。
  • 每一次都覺得「又嚟？！」好repeat，無限loop，唔會停，唔會斷尾。
  • 死啦我要同我老闆講，返工可能遲到（因為發作通常係早上）。<—我係盡責嘅員工 XDD
  • 會覺得莫名其妙，有咩可能可以咁repeat 咁loop 都冇文獻記載？！ =.=
  • 下一個urge就係立刻搵電話（但之後就發覺自己唔識路，因為orientation錯亂）睇下幾多點、星期幾、望下個天有冇日光。如果b係度，就問下b「依家幾多點？今日星期幾？」

有咩良好習慣需要注意？

  • 食藥準時，唔好食多食少
  • 作息定時，要有充足睡眠。但又唔好訓太多，例如過長嘅午睡。
  • 提自己要正常呼吸！（好多時太專注工作，我會hold my breath）
  • 記下「日記」excel，做返個pivot table （orz），記下發作時時間地點人物做緊乜。之後spot下自己有冇d咩trend。（so data driven～）
  • 如果食藥令到自己記憶衰退，幫自己找一個reliable嘅記事系統，例如Google Keep。
  • 如果公司可以flexible working hours而你自己慣性係早上發作，可以試下adjust working hours。
  • 認清自己藥物嘅副作用。

2020年（非官方）大小事回顧

其實之前的blog post「站在2020年的中間 – 隨筆」也紀錄了上半年的事。這麼快就到了2020年末了，如果off the top of my head 2020年是這樣的:

  • COVID、口罩(and 買唔到口罩)、口罩夾、洗手、消毒搓手液、限聚令、Zoom virtual call，成為了「新日常」。有口罩的照片成為了時代印記！
  • 全年冇搭過飛機，冇去過旅行。但去過一次美利酒店staycation。
  • 2月轉team是大事（人事最可怕）。9月 pass 門檻是大事（thanks god)。德文A1合格是大事。
  • 開始可以與小姪女簡單的語言溝通，很奇妙。
  • 過百次發作（包括一次恐怖經歷），11月更失味覺成為懷疑個案！幸好沒事。
  • 經常去睇樓，未有收穫。今年報警999一次 :/
  • 氣炸鍋和大電視是恩物。看了很多高質的drama。
  • 懂得set boundary，勇敢say 「no thanks」，「no one is in charge of your happiness except yourself」，也不需要對所有事情都react/回答，可以ignore。
  • 好肥
  • shamelessly搭的士
  • 有半年時間都在面試，失敗收場