Author: impromptuz

大，耳窿

今日，我又去咗做“我人生最舒服的體驗”

就係，又去通耳仔啦！！！！

真係好舒服架 :3

今日醫生話好彩我係大耳窿。。ok fine。

之後醫生幫我做咗個測試：“邊一邊大聲d？”

我：“。。。下。。兩邊一樣大聲？”

醫生話係arm嘅。

車～～嚇死我咩。。。=。=

I can’t wait to wake up！天光未？

之前同朋友傾計，佢話佢startup嘅朋友，每一日都唔想訓覺！每一日叫醒佢嘅係夢想同熱情，因為好想繼續做startup嘅嘢。當時我覺得佢都痴線

但最近我都有呢d symptons，我呢個38線KOL開始有d走火入魔了。寫post、微信粉絲群、fireside chat、讀書會，慘啦，我真係好鍾意做呀！！！and I am quite good at it (seems)

我會咁亢奮嘅時候，應該都係binge-watch電視劇/遇上好電影嘅時候。我係會好感動自己有機會遇到咁好睇嘅作品，而都因為落幕時而好失落。

or 上一次咁亢奮，就可能已經係去德國honeymoon嘅時候。每一日嘅行程安排都好精彩，好想快d到聽日繼續玩！

***其實都係拉老虎機嘅賭博心態🎲，當你知道好結果嘅勝算高，你知道「明天會更刺激」嘅勝算高，當然會look forward to it***

可能xhs呢一年帶俾我嘅就好似一套好戲/一個旅程一樣。居然我真係會因為我嘅blogging而reward我（以不同渠道黎賺錢從來就係我嘅興趣 XD），而且仲認識到好多有趣嘅博主/係小夥伴。

而由於知道自己未夠好，都強迫自己要學嘢學得更快。我人生有冇一個階段會咁癲？記住要適可而止，踩得越深，跌得越甘呀！

其實我都好擔心。。因為呢個隻係我嘅side hustle，好似對我嘅本業唔夠專一。

但，我真係從來冇試過因為想「返工」（for this side hustle）而想快d天光，咁我可以繼續寫嘢。

連我最鍾意嘅「訓覺」，呢個passion居然都override到。

不過咁講，因為有回報同鼓勵先會有motivation lol ，當唔係咁好景，或者得到d惡意差評，我都唔知想放棄幾多次 哈哈哈。。

唔經唔覺呢個小小KOL小side gig就嚟1年（1月26日），我呢個3分鐘熱度人居然都仲做緊，比自己一個讚。

好可惜呢件事都係要low profile，again.. it’s just a side gig.