impromptuz

關於一半的自己

最近開始正視自己的C-PTSD, Depression, PMS/PMDD, 當然還有長期戰的癲癇症。全部都是腦的問題。熬為了一杯非常難搞的cocktail。

憂鬱症不是「做不到」事情，而是「做到耗盡」。好簡單的任務，需要平時500倍的力度去完成、500倍的時間去恢復。

你們說，要等自己有clear mind時才下決定。但那50%低落的我，難道就不值得被照顧嗎？

她也需要好好休息，因為她也是我的一部分！

因為本來都打算辭職，所以又同公司提出了unpaid leave停工

或者有d痴線，又要提出轉post。

算啦，worst case scenario咪唔做囉，又唔係冇錢。

期待呢最後4個星期，之後我就可以休息一下了。。。

漩渦都喺腦裡面

但其實救生艇一直都有來過，上面黎，旁邊黎。

所以「乜嘢都唔順」呢句野並不成立。

至少婚姻問題告一段落、至少猶豫問題我已經找到Matthew醫生和開始SSRI。呢一d都係救生艇🛟

公司並唔係咩「分手」、咩「不再適合的關係」。just so happen佢過往13年塞爆咗錢罌。

鍾意嘅咩打爆佢，用下d錢做自己鍾意嘅嘢。

做人要夠pok、你自己做主。有勇氣，任性d。

SSRI穩定期間嘅5-6星期，不適合做任何大決定。

4月7日係bonus，中間有一個CNY假期。心態上有個準備

1）準備自己心情到3月為deadline

2）離開後，心裡面有冇可惜的事？

2）bok爛個錢甖後，我鍾意做d乜？

痴線咗咁多年，終於決定開始take SSRI血清素。

由Lexapro (escitalopram) 5mg開始，一週後調整到10mg。聽說頭幾週會特別難受，需要好幾週後才能有effect。請你頂著。

今日你好擔心各種副作用，怕肥、怕便秘、怕口乾，怕冇性慾😹。不過副作用係都因人而異，而且已經係好低dosage。睇下陳奕迅都冇野呀？

你身為食藥💊達人，唔好淆底啦。Everything will be fine.

2026年有黑地毯頂著，一切都會穩定的。

唔好害怕路途嘅痛楚，而係其他路途終點嘅喜悅。

如果要為2026年選擇一個theme，我想到了。係immunity

唔係boundary邊界而且，而係自身嘅免疫immunity。希望從此向極度暗黑人格說再見。

由資深癲癇患者epilepsy、到C-PTSD、到一年50%嘅PMDD。希望SSRI可以幫我調整一下。因為單單意志力已經頂唔到了。

第一次認真係呢個blog出現PMS嘅可怕，係2021年。姐係31歲/32歲。當時已經用咗 “危險”去形容呢個跡象。應該係年紀越大、就會越來越癲。都係好mental嘅影響。

大概就係每一個月有50%時間，一年12次（月經前14-17日左右）就會開始irrational、好悲觀、好容易被激怒、好容易被trigger、好累、好想自殺、好想死好想死。成個人就會冇咗個“clear mind”。

以前2008-2009都有記載關於PMS，但當時都係突然“想寫野”。多愁善感而已。

依家完全係“鬼上身”，成個人dysfunctional咗。
完全係生人勿進。或者到正常嘅時候，就會覺得好小事。但對自己已經好傷、對同事好冇禮貌、對身邊嘅人好大壓力，令到工作及生活極大影響。試想，係一年50%嘅時間。

1）therapy有用，可以續命，但係杯水車薪。

2）開始咗中藥，好似少少有用，但今日證明其實係冇用。

3）開始放棄咗Fycompa，令到小發作返曬黎。我自己覺得mood swing好似好咗dd。

4）知道自己有C-PTSD…

但！原！來！以上1234做曬，都係幫唔到月經PMDD。。。。T_____T

到底我呢個腦癇症 and C-PTSD and PMDD 嘅黃金時組合，我每一個月嘅自殺抑鬱低谷，我可以頂多幾多次？任何大大小小嘅trigger都可以推咗我去死。

可能真係要開始食SSRI選擇性血清素再攝取抑制劑

或者切咗個卵巢算，反正都冇鬼用！