見到狀元居然可以appeal 2份卷都成功。
最近唔知點解經常記住2006年會考放榜，當年做乜咁笨唔full appeal英文課（當年係DCAA->B)，其實真係好有機會重改作文，就可以拉返個A，就可以順利EAS。只係一個愚蠢嘅決定，就可以完全改變我嘅人生軌跡trajectory。
也許，咁樣就會永遠唔會trigger到我嘅癲癇症，咁樣我就唔需要連續5年發作1000次+。我就唔需要過情緒不穩嘅每一日，我就唔需要過日日唔開心嘅日子。步步錯，越走越錯！
當年可以appeal 4科，可以full appeal 2科（check分+重改）以及appeal 2科（只是check分）。白痴嘅我選擇full appeal數學同附加數學，因為當時好有信心我考得好好，但傻仔，數學嘅嘢邊有咩空間會錯？我真係會信改錯卷（this 機會is so small）！（之後原來2007年開始就可以容許full appeal 4分卷）。
如果我可以改變過去嘅一樣嘢，我可唔可以full appeal返我份英文作文T_T？好想知道結果會係點。咁我係咪就可以過一個簡單d嘅人生？
impromptuz 