沖完涼後耳朵塞咗點算？

話說之前沖涼嘅時候有個壞習慣，就係會搞自己隻耳仔。
呢排COVID-19 / WFH多咗用 earphone 開zoom meeting，於是隻耳仔成日都癢。

點知，沖完涼之後，我隻左耳塞咗！
聽力得返30%左右！
原來失去了聽力才懂珍惜兩隻耳仔都聽到嘢嘅美好。。

用曬全部方法都冇用 T_T 包括
– 單腳跳
– 食香口膠
– 倒d水入去
– 打喊露

隔咗兩日都好似聾咗咁，包括b不停同我講
– 「你講嘢可唔可以唔好咁大聲？」
– 「你個電話好大聲」
– 「你個電視做咩開得咁大聲」

同埋身為一個聽力減弱嘅人，原來我會成日講
「下？咩話？」

雖然疫情咁嚴重，我都係去咗睇養和，原來醫生話係
外耳/耳管炎

原來左邊嘅耳管比d分泌物塞住咗，所以我係聽唔倒嘢。
（醫生係我左邊耳用兩隻手指擦一擦，我係完全聽唔到！）

最後醫生嘅咗Froptic-D Eye and Ear Drops嘅消炎滴滴，
一日滴4次。醫生話咁樣就會溶化d分泌物wor。

嗚嗚，以後我都唔再沖涼時搞隻耳仔lu。