睡前服

前言：睇玩Sherlock，好失望呀，我真係有好高expectation架！/__\

原來轉眼已經係大陸做咗4個月野，真係唔經唔覺！
我又好似冇特別分享過祖國嘅working culture
（好似比較多係“一個人生活也是好好的” 同埋 “地產小知識” 哈哈哈）
等我隨心而發blog下先。

首先，myth，通常大家都有一個好錯誤嘅assumption：係大陸做野係一個好糟糕嘅experience，公司真係大整蛊啦，同大陸人做野一定好勞氣好辛苦，以為佢地賴得就賴，懶，貪，亂咁嚟，唔跟規矩，惡，冇禮貌，唔尊重對方，蠻不講理等等。其實事實並非完全如此。hmm，等我圍繞住呢個topics是但分享少少啦。

好好合作：係微信最常用嘅一個emoji，係一個“握手”嘅公仔 （whatsapp應該冇）。內地人最value嘅係“關係”，最緊要係要客客氣氣，認清楚d hierarchy。因為你對佢好，佢就會對你好。你對佢唔客氣，佢都唔會對你客氣哈哈。所以relationship building 係好重要嘅一環。while香港係driven by 白紙黑字嘅proper business emails，係內地係真係需要面對面咁做個friend，先好辦事。呢個好考功力，我係零功力的。

電話：係香港office望smartphone係罪，一定要鬼鬼祟祟。但係大陸office，電話就係你嘅主要working tool。btw我諗大家都知係內地唔會叫人做“小姐”，但係比人係電話叫我做“張女士”或者係“張美女”都覺得周身唔自在 XD

電郵：我寫中文email真係好慢。其一，因為我係用拼音打字（同事們都已經好習慣我會大聲朗讀d中文字哈哈例如：擴展..kuang zhan..ah唔係=o=…kang zhan?? .hmm…kuo zhan..yeah!!）另外business中文我真係唔識。因為我d中文唔夠禮貌，我相信已經得罪過唔少人。=_____= 所以都係叫同事幫我proofread先send出去會好d。