coming out of the closet..

（無聊｜敏感題材 | 左仔出沒注意）

不是重點：

最近有一套TVB節目叫做《網絡挑機》，請咗好多youtubers做嘉賓。

呢一d youtubers因為支持「大台」，就立刻被網民們圍攻。就算youtubers再三澄清自己嘅立場，都冇辦法平息網民嘅怒氣。

然後剛剛睇到beyond黃家強同梁振英合唱。同樣地，比網民鬧到傻，話黃家駒「好彩」死得早，如果唔係就真係死不瞑目咁話。

＿＿＿＿＿

重點來了：

依架嘅風氣係，凡係掌控大權嘅monopoly（tvb，地鐵，政府，地產，警察等等）都會自動成為被攻擊對象 （咁當然有好多誘因啦下）。

而遇上任何同呢d monopoly 扯上關係嘅人，大家就會變得好情緒化，立刻暴力批評同公審。（其實我覺得大家都係打份工，揾餐晏仔食jeh.. 就好似d youtubers咁，都要宣傳下自己架 =_+? 做警察，都係為咗養妻活兒jeh…黃家強，講到底都係為咗出show錢jeh..唔駛用家駒嘅離世借題發揮架ha wa…）

而我呢種冇咩意見嘅peacemaker類人士，都好怕會講錯野，
因為唔想成為被攻擊對象。

就好似舊社會d同性戀者咁（好似The Imitation Game 入面嘅Alan Turing），明明同性戀係冇錯（一樣米養百養人，呢個世界本身就係有好多唔同類型唔同立場嘅人），但都需要因為自己嘅「非主流」思想而特別小心，不能出櫃。完。