好驚

上完French，
菲林明道，帶住白色口罩。
諗住叫Uber Taxi，但襟咗9萬次都係no taxi available，算，我搭巴士。

182條隊長到打蛇餅，我問問前面個叔叔：「呢條係182呀呵？」
叔叔：「應該係，如果我無排錯。」

呢個時候，一個4x歲，6呎高，黑框眼鏡，著住黑色運動褸嘅男人突然毫無徵兆，90度極速垂直向後跌，係正我後面！RIGHT NEXT TO ME!!（我係隊尾，佢係蛇餅嘅第一層）嚇到我彈起，佢嘗試起身話：「我副眼鏡呢。。」我先回過神黎，見到佢副眼鏡飛到好遠，幫佢執返，無爛。

先生話：「ok，我好d喇。」呢個moment，佢又突然再一次向後90度垂直跌！holy！！成個訓咗係度，無乜反應，我真係好驚佢就咁就byebye @.@”

呢個時候個位同我講過野嘅叔叔過黎扶起佢，先生barely企到，支撐唔住自己嘅身體咁。叔叔問佢係咪飲咗酒呀？佢話有。（但我唔覺得係）。十個驚：「先生我call白車喇，你再咁跌好快撞爆個頭架喇！！ 」打咗我人生第一次嘅999，但打通咗後先生又話唔駛。叔叔問：「你都control唔到自己（嘅身體），你塊面青唒呀，你有無朋友或者親戚嘅電話比到我？」佢又話唔駛。良好市民嘅我就9秒9跑咗去OK買咗支水比先生。

先生最後話搭的士。突然我同個叔叔變咗一條effective team，叔叔話：「呀女士，麻煩你幫手截的士，我陣間扶佢過黎。」

咁啱就有架的士，本來司機好唔願意係巴士線度停車，但我話有個人暈暈地係遠處行緊過黎，個司機立即ok。個叔叔就一步一步扶住呢個先生上車。

最後我同叔叔嘅182巴士都到咗，我地互相多謝大家之後，我就上咗上層坐lu。

體會：
– 希望個位先生會無事返到屋企。睇落都係一位正人君子，絕對唔係飲醉酒。可能係藥物，可能係過勞，唔知會唔會係seizure。其實人真係好脆弱架咋，身體健康好緊要。可惜我唔係醫生啦。

– 好多謝個位叔叔，應該都係同我一樣黎自人傑地靈嘅沙田區。