放榜

報紙既IB放榜消息，令我回想起六年前我本人IB放榜既撻Q時刻。

一夠鐘就上網check成績。
老豆insist要坐我隔離一齊睇，仲lock門故作神秘，似乎想一齊見證呢個「歷史性時刻」。

「會好低分架，唔好睇啦。」
「你次次都咁講架啦，快d開快d開。」

一開，同我預測既差唔多。

老豆「下？」，問我姐係點。我就耐心解讀個成績表。

媽媽走入黎，「咁應該點同人講呀？話有x分？定話係n分到n分中間？」

哥哥有d無奈話：「做咩要作個分出黎？咪唔好講咯。」

一路聽住大家議論紛紛，我無講野，只係有d無奈，好似有d羞家添？

呢個好顧及面子既家庭，塑造出現在既我。

（天音：咁到底者係幾多分姐~）