(長文,慎入)
~前言~
係節目開始之前,想介紹一下Maslow’s hierarchy of needs 需求層次理論。
係過去10日,我由金字塔嘅最頂端(自我實現self-actualization),一夜之間跌倒去最底層(生理需求 – especially food and drink)。
係我做咗33年人以嚟都冇試過,應該絕大部分係hk人 or 一線城市人都唔會試過。

~Lockdown 開始前 (4月1日前)~
由2月19日飛到嚟SH,其實我已經隔離咗24日,再多5日,難我唔到嘅。
係lockdown之前個幾日,我地照常睇櫻花、去MTM做facial、食KFC。
當時都唔清楚有冇酒店早餐、所以b為我準備咗8個杯麵、買咗2塊pizza(microwave)、1個炒飯(microwave)、可樂 & 綠茶、3個出前一丁公仔麵、同少量零食(因為我唔鍾意食甜野 ,除咗可樂)。
食4日杯面,應該ok掛?當時見到超級市場已經差唔多咩都冇晒。好多嘢都買唔到了,有少少panic。


酒店好彩都有個簡單嘅電子爐、小雪櫃(但冇freezer,呢個搞到好多嘢都買唔到)、同微波爐。煮面呀、滾下嘢都仲得。
當時都唔知有冇housekeeping,所以立刻喪問酒店拿好多支水(因為要煮麵,而酒店d水係好細支)、廁紙、紙巾,盡量stock up先。

~Lockdown 開始(4月1日 to 4月5日)~
開始咗,好彩原來有酒店早餐,有housekeeping(不過冇得換床單bedsheet,因為佢地要拿出去洗)。咁都定d。因為之前講過可能得1個當值職員。
頭三餐就叮返pizza 1、pizza 2、同個炒飯飯盒。之後先開始出前一丁 or 杯麵(份量好少,完全唔好食!)。又有零食(薯片/朱古力餅)、又有可樂/綠茶、都ok呀,所以我係5日之內都好快食晒,冇ration過。最後得返3個杯麵。(呢段時間係完全冇外賣、因為全世界一起lockdown)


另外,都成日要落樓做檢測、或者佢地派d testing kit自己做。
好彩唔係插鼻!都可以接受嘅(我諗加埋都做咗10幾次,暫時 lol)
係4月5日第一次收到zf嘅物資,但全部都係生嘅食材,對於我嚟講冇咩用(呢度嘅小廚房設備有限,所以我送咗比酒店用)。咁raw嘅食材,我唔識煮飯架wor sorry。我只係留返一包菇比自己。

~Lockdown 無限期延長(4月5日 to when?)~
突然要延長,原來我嘅糧食已經唔夠!!
而且問題係,到底係要lock到幾時?好多人都話可以“團購”,it does not apply to me!因為我住嘅係酒店,團購只適用於屋苑….而我呢間酒店係冇任何room service架。
當時我只係得返3個杯麵(其他可以放入口嘅嘢都比我食晒了,當時地毯式搜索過,得返香口膠同藥lol),但我仲有幾多日?於是開始panic attack
我嘅方法包括:

- 早餐叫10點嚟(最遲嘅時間),叫超級多嘢!!
- 可以當埋午餐食,如果有剩,夜晚叮返嚟食(不過其實呢一個係好悶嘅方法,因為成日都一樣嘅嘢食。。)【好彩呢個酒店有早餐】
- 飲可樂充飢,因為有糖
- 唔好做運動,因為我要reserve energy
- 每次去完💩都覺得好可惜,因為飽飽嘅感覺係好珍貴。。
- 日日餓住訓(個肚真係gooloo gooloo咁訓),默默等待10點嘅來臨
之後我就開始驚了,點解?
因為連酒店嘅物資都好似running out!
– 我嘅皮蛋瘦肉粥,變咗皮蛋豆腐粥
– 我嘅牛肉麵,冇咗條菜
– 酒店話,佢地冇晒菜同水果
– 酒店話,佢得返最後一箱水!!
omgggg 咁真係會冇晒野食,我真係好餓,我都feel到自己冇咩力。
點知好多方法都唔成功,搶菜app,每日5:59am同8:29am準時瘋狂click
係冇可能搶到。。我就超級驚,死啦,連我都搶唔到,咁點算?!
於是到咗4月7日(+2日)嘅早上,我真係太肚餓太肚餓(而我唔想開我僅有嘅杯麵),於是我就白滾咗zf物資送嘅菇,開始我嘅暗黑料理嘅第一道菜。
問酒店借咗油、salt 和味精(佢地居然連soy sauce同醋都冇orz)。
我覺得自己真係好似打仗wartime一樣。。


真係就嚟彈盡糧絕,所以,
再跪求酒店職員可唔可以enlighten下到底要點先有野食,
佢地可以話叫“跑腿”服務
於是我就試試開個“餓了嗎”app加錢,一直都冇人應..
直到我加200人民幣先有人應單,之後,轉機就來了。