【 直擊 】香港首家Blue Bottle Coffee正式試業！

門口嘅藍瓶logo為必影嘅打卡位置！

被譽為咖啡界嘅Apple嘅Blue Bottle Coffee 終於係4月29日開始係香港試業 ~
就算完全唔飲咖啡嘅我都嚟朝聖打個卡！
地址位於中環擺花街38號，條隊比我想像中短，大概排咗15分鐘就入到去啦。

由於今日有30度，店員都準備咗冰水比排隊嘅顧客。個紙杯可以留返嚟留念 XD

入到去店員先介紹下 d merchandise，不過全部都好貴，我見都冇咩人買。

店員特別推介咗呢個用bamboo做嘅eco cup，送禮佳品～

試業期間，二樓未開放～

去到收銀處，有pins set，coffee pin同小巧克力賣。不過定價都係太貴了吧？！

menu如下，價錢定價可以接受。我地叫咗一個冰latte，HK$48。
由於我唔係一個飲咖啡嘅人，我唔覺得特別好飲。^^”

都有一d小食，左下角Liège Waffle 最受歡迎！

我地叫嘅冰latte。

返到屋企後，可憐嘅紙杯變咗咁樣。

同場加映另一打卡位！美利大廈 The Murray酒店外面嘅古樹「節果決明」。

Blue Bottle Coffee 香港店
地址：中環擺花街38號地舖及1樓
開放時間試業期間：星期一至日8am-5pm