困lift驚魂

今日係上海

自己一個人搭lift係36樓落1樓

點知入咗lift 5秒左右，架lift突然向下跌free fall 再急煞停，轟隆轟隆聲！！我都未反應得切，架lift自己停咗。好似坐機動遊戲咁。

本來咩顯示都冇曬，之後先show返係33樓。

心裡第一個反應：死得，會唔會繼續隨時向下跌！之後立刻locate返lift入面有嘅扶手位置。（但心想如果直衝落去我都真係byebye得 XD)

之後我就嘗試打下電話，當然就係no signal。。

之後我就按一按個緊急制，好彩有人聽！簡單解析我嘅情況後，個保安話「好，我叫師傅來看看」。

我話好。之後心想，咁樣呆等都係非常risky，我就膽粗粗咁按個「開門」制。唔知開門後面會唔會係牆，定係得一半嘅空隙 =.=

好彩係正常嘅33樓。立刻跳出去！之後跑跑跑樓梯，抱住為咗survival嘅心情，一跑就跑咗20層！（原來為咗求生，對腳係唔識攰哈）之後轉返一個安全嘅lift到返地面。

注：其實好似應該應該每一層button都㩒！希望博一博佢會層層停。

完！好彩冇死到jeh！