港女額外收入自救指南

香港交通食飯都超級貴。靠份base salary都好難過活。
等我分享下我嘅外快指南（不涉及投資/信用卡/買股票系列）。

1. 補習教琴

如果有能力並有時間嘅話 ，補習教琴等係可以賺好多錢。可以放工教，可以星期六日教。我嘅朋友有full time工作，放工後教琴一個月賺6000蚊。一年就就多72,000蚊架啦！

補習最舒服應該係補中學（小學可能會百厭，需要控制埋小朋友嘅對方情緒就麻煩啦）。而賺最多錢嘅，當然係補國際學校/IB課程啦。一分鐘charge 800蚊算小兒科啦。

 2. 參加市場調查/座談會/訪問/focus group

參加市場公司舉辦嘅focus group可以係非常不錯嘅外快選擇。形式可以係一對一訪問，網上問卷，小組座談會，家訪，或電話訪問不等。報酬可以由200蚊到1500蚊都有（不過一般range都係500-700蚊）。做完訪問後，通常會立刻有cash或cheque收作為報酬。

但需要注意，有d市場公司會限定過去6個月未參與過focus group嘅人先可以參加。而且都幾難抽中，睇下你好唔好彩啦！

3. 參加抽獎活動

香港係一個極active嘅商業社會，當然會有好多抽獎推廣活動。筆者會定時報名，可以try try 贏下小禮物，贏下免費電影飛，現金券等等。(不過submit個人資料嘅時候，記得要untick “不同意direct marketing”哈哈）
http://www.jetsocome.com/forum-189-1.html

4. 在Carousell變賣家中雜物/買二手貨

日本收納女王 Marie Kondo 表示，當物件再無法「spark joy」，即與物件「緣盡」，要同佢講thank you and goodbye。

係掉落堆填區之前，不妨可以係Carousell度賣下，為物件尋找新主人而（更重要嘅係）賺錢！

如果唔介意嘅話，係買任何野之前，都可以係carousell睇係有冇二手貨買。並且去price.com.hk 度格格價。最後當然就係去淘寶睇睇啦（不過淘寶其實都貴咗啦）。

5. 選擇較高息嘅出糧戶口

如果你係用緊匯豐呢d接近0息嘅戶口做出糧戶口，咁不如快d轉比較高息嘅出糧戶口啦！某d銀行會接受standing instruction（自動轉帳）每月過數，咁就唔需要麻煩公司轉戶口number啦。

6. literally用豬仔錢罌

每一日都會有好多coins（同事吃飯找錢，搭車），原來儲埋儲埋會有好多錢架！唔好睇少硬幣嘅力量呀～

7. 用全月通/都會票

我自己用每月可以節省300蚊～

8. 影低，當買咗

行街（特別係精品店）見到d得意野，有時impulse buying就會買咗，最後發現唔等洗！下次見到，咪影低佢囉。唔需要擁有嘅。