乙型流感經驗分享 2018

成日聽到話乙型流感比甲型流感更嚴重，估唔到我就係確診乙型！

（身體狀況因人而異，以下只供參考，純粹為個人經驗分享，並無任何醫學根據。如有徵狀請及早求醫）

問：如何檢測？

我係到醫院檢查鼻孔拿組織，lab test 3個小時後就有結果。如果確診係流感，就需要開始食特敏福 Tamiflu。

問：Tamiflu特敏福對於你有d咩副作用？

我食咗第一粒後，就立刻嘔咗兩次。另外有朋友分享話心情會變得低落同沈重。我半夜都突然起身有d精神錯亂嘅感覺（不過我份人都係癲癲地，可能唔可以怪特敏福 XD）

問：流感對於你有d咩症狀？

一開始就係流鼻水，打噴嚏，全身肌肉痛（好似比人打一身），連小腿大腿筋骨肌肉全部都痛！之後就開始頭痛，個頭開始好似燒滾咗咁。成個人非常乏力。最後就開始連續2-3日發高燒 （101-102度），完全冇力，行每一步都好吃力，飲水都要用飲管。

問：如何康復？

多睡覺（穿涼快的衣服幫忙散熱，雙腳外露幫忙散熱，額頭可貼小林退熱貼），多喝暖水 （多去廁所），吃藥前吃麵包，可考慮喝寶礦力。